افغانستان اسلام امیرلیگی ریاست الوزراء اقتصادی اورین باسری حرمتلی ملا عبدالغنی برادر آخند تیناون قندهار ولایتی شوراندام سمنت کارخانه سی نینگ ایش جریانینی باریب کوردی.
ریاست الوزراء اقتصادی اورین باسری بو کارخانه ده بجریلگن ایشلردن رضایت اظهار قیلیب تیگیشلی مسووللرگه ایش صفتی و اونینگ انیق زمانده تکمل بولیشی توغریسیده لازم توصیه لر بیلدیردی.
کانلر و پترولیم وزیرلیگی تامانیدن قوریلیش ایشی خصوصی بیر شرکت گه بیریلگن اوشبو کارخانه نینگ قوریلیش جریانی حاضرده سرعت بیلن جریانی بار وچمه سی ۸ میلیارد افغانی خرجت یاتقیزیلگن.
بیرینچی مرحله ده اوشبو کارخانه کونده ۱۵۰۰ مینگ تُن و کیله جک ده ۵۰۰۰ مینگ تُن ایشلب چیقاریش قابلیت گه ایگه. مذکور کارخانه قوریلیشی بیلن، سمنت وارد قیلیش سیزیلرلی درجه ده کمه یه دی و چمه سی ۵۰۰۰ مینگ وطنداشیمیزگه مستقیم و غیر مستقیم روش ده ایش زمینه سی یره تیله دی.
ایتیش کیره ک که اسلام امیرلیگی سونگی وقتلرده یتیم تاق و لوگرده سمنت کارخانه لرینی قوریش شرطنامه سینی افغان و خارجی شرکتلر بیلن امضاله گن ایدی.
