افغانستان اسلامی امارت ریاست الوزراء اداری اورین باسری حرمتلی مولوی عبدالسلام حنفی بیرلشگن ملتلر ترقیات تشکیلاتی عمومی مسوولی اچیم ستینر و یولداش هیاتی بیلن ارگ ده اوچره شدی.
بیرینچیدن ریاست الوزراء نینگ اداری هیاتی حرمتلی مولوی عبدالسلام حنفی مذکور هیات همده بیرلشگن ملتلر تشکیلاتی نینگ افغانستان اوچون مخصوص نماینده سی خانم دیبورلاینزنی خوش کیلیب سیزلر دیب، انسان پرورلیک یاردملر و رواجله نیش کمکلرنینگ باشله نیشی و دوامینی خوش قرشیلب، یاردملرنینگ دوامینی افغانستانلیکلرنینگ مهاجر بولیشی آلدینی آلیشی اوچون جوده مهم دیب ایتدی.
بیرلشگن ملتلر ترقیات اداره سی عمومی مسوولی اچیم ستینر نینگ سوزلریگه کوره، افغانستان آغیر بیر شرایط ده قرار تاپگن و کوپراق انسان پرورلیک یاردملرگه ضرورتی بار و اوزی نینگ اداره سی تامانیدن یاردملر دواملی ایکنی باره سیده ایشانچ بیردی.
حرمتلی مولوی عبدالسلام حنفی، تعامل، هماهنگ لیک و همکارلیک نی رواجله نیش اوچون مهم دیب، مخدر ماده ایکیلیشی، اونینگ استعمال و قاچاق بولیشی نینگ آلدینی آلیش اوچون دنیا جماعه چیلیگی نینگ همکارلیگی و دهقانلرگه بدیل یره تیش مهم دیدی.
انسان پرورلیک یاردملر شفاف توزیع بولیشی باره سیده تاکیدله گن ریاست الوزراء نینگ اداری معاونی، خلق ارا اداره لر سکتوری وزیرلیک لر همکارلیگی بیلن مستحق کیلرنی معلوم قیلیب بو توغیده هماهنگ لیکلرینی کوپیتیریشلری کیره ک دیدی. انسان پرورلیک یاردملر اولوسواللیکلر همده اوزاق قیشلاقلرگه ییتکزیلیشی ضرور دیدی او.
اونینگ سوزلریگه کوره، سکتوری وزیرلیکلر همکارلیگی و هماهنگ لیگی بیلن بیرلشگن ملتلر تشکیلاتی آرقه لی افغان عیاللرینی مالی حمایت قیلیش، کیچیک صحت و تجارت برنامه لرینی عملگه آشیریش خاتینلرنی اوزینی اوزی حمایه قیلیشیگه کمک قیله دی.
(UNDP) یا بیرلشگن ملتلر تشکیلاتی نینگ ترقیات برنامه سی باشلیغی مخدر ماده نینگ آلدینی آلیش اوچون دهقانلرگه بدیل ارائه قیلیش بیلن بیرگه، کیشی لرگه تورلی مهارتلرنی اورگه تیش فایده لی دیب ایتیشیچه، دنیا بیلن تعامل قیلیش بونینگ اوچون ضرورت دیر که اولرگه بیزلر برچه بولیملرده هماهنگ لیک و همکارلیککه متعهد بولگنیمیزدن آچیق پیام بیریشیمیزکیره‌ک. ه
بیرلشگن ملتلر تشکیلاتی نینگ افغانستان اوچون مخصوص نماینده سی خانم دیبورالاینز، سونگگی کونلرده یاردم بیرووچی۴۰ مملکت نینگ نماینده سی بیلن اوچره شگن و اولرنی افغانستانگه یاردم کورسه تیشگه ترغیب قیلگنینی تیلگه آلدی.
ریاست الوزراء نینگ اداری اورین باسری حرمتلی مولوی عبدالسلام حنفی اوزی نینگ صحبتلری اداغیده، موجود معمالرنی حل ایتیش، بار قیین چیلیک و معمالرنی یخشی صورت ده ییچیش رواجله نیش یوللرنی آچه دی دیب ایتدی.
اونینگ سوزلریگه کوره، مشترک همکارلیک و هماهنگ لیک بیلن انسان پرورلیک یاردملر توزیع سی شفاف بولیشی، مستحق کیشلرگه ییتکزیلیشی حکومت و دنیا جماعه چیلیگی قناعتنی فراهم قیلیشی ضرور دیر.
