ریاستالوزراء اداری اورینباسری مولوی عبدالسلام حنفی جنابلری، بوگون توشدن آلدین معارف وزیرلیگینینگ مسلکی رواجلنتیریش اعضالری و اوشبو بولیمده فعالیت آلیب بارهیاتگن بیر قطار عالملر بیلن اوچرهشیب، صحبت قیلدی.
اوشبو اوچرهشوده، معارف وزیرلیگی مسلکی رواجلنتیریش اعضالری استادلرنینگ ظرفیتینی آشیریش و تدریس ایشلرینی نظارت قیلیش بارهسیده اوز فعالیتلری، پروژهلری و قولگه کیریتگن یوتوقلری حقیده معلومات بیردیلر.
شونینگدیک، اولر تعلیمی پروژهلرنی عملگه آشیریش یولیدهگی بعضی قینچیلیکلرگه توختهلیب، موجود معمالرنی حل ایتیش اوچون کوپراق همکارلیک بولیشینی سورهدیلر.
مولوی عبدالسلام حنفی مذکور گزارش و تکلیفلرنی تینگلب، استادلرنینگ مسلکی رواجلنیشینی مملکت تعلیمی نظامینی یخشیلشنینگ اساسی رکنلریدن بیری صفتیده تأکیدلهدی.
او، استادلرنینگ مسلکی مهارتلرینی آشیریش اوچون سرمایه یاتقیزیش، کیلهجک نسلنی تربیهلش و جمیعتنینگ رواجلنیشیده اساسی رول اوینهشینی ایتدی.
ریأستالوزراء اداری اورینباسری سوزلرینینگ آخیریده، اسلام امیرلیگی مسئوللری معارف سکتورینی کوچلنتیریشگه صادق ایکنلیکلرینی و تعلیم کیفیتینی یوقاری کوتاریش اوچون اونوملی همده قوروچی پروژهلرنی قوللب-قوتلشلرینی اورغولهدی.#
