افغانستان اسلام امیرلیگی ریاست الوزراء سیاسی اورین باسری حرمتلی مولوی عبدالکبیر بوگون افغانستان اوچون چین نینگ خاص نماینده‌سی یوشیایونگ چین نینگ کابل‌ده‌گی ایلیچیسی جاوشینگ و یولداش هیاتی بیلن اوچره‌شدی.
اوشبو اولتیریش‌ده چین خاص نماینده‌سی اوزی نینگ پاکستانگه بولگن سفری توغریسیده معلومات بیریب ایتیشیچه، مملکتی افغانستان اقتصادی اوسیشی، علاقه لر کینگه‌یشی و همکارلیک آشیشی اوچون تلاش قیله‌دی.
اونینگ سوزلریگه کوره، چین خلق ارا ییغینلرده افغانستان موقفینی حمایت قیله‌دی و افغانستان بیلن اوزی نینگ علاقه‌لرینی آلدین دت کوره کینگه‌یتیریب دوام بیریشنی ایسته‌یدی.
شونینگدیک او افغانستان، پاکستان و چین اورته‌سیده مناسبتنی یخشیلش و تفاهم باره‌سیده تاکیدلب ایتیشیچه، سونگگی اوچ ییل ایچیده افغانستانده کوزگه کورینرلی رواجله‌نیش کیلگن.
یوشیایونگ جنابلری نینگ قوشیمچه قیلیشیچه، افغانستان ییر بوتونلیگی، قدریتلر و مستقللیگیگه حرمت قیله‌دیلر و افغانستانده سرمایه یاتقیزیشنی کینگه‌یتیریش بیلن بونینگ اقتصادی اوسیشی اوچون سهم آله‌دی.
ریاست الوزراء سیاسی اورین باسری حرمتلی مولوی عبدالکبیر، چین خاص نماینده‌سیگه منتدارچیلیک بیلدیریشدن علاوه، افغانستان نینگ چین بیلن یخشی علاقه‌سی بار و عین حالده هر ایککی مملکت اورته‌سیده تجاری، اقتصادی همکارلیکلر یخشیلشگن دیدی.
اونگه کوره، اسلام امیرلیگی برچه قوشنی و دنیا مملکتلریگه افغانستان هیچ کیمگه تهدید بولمسلیگی اوچون اطمینان بیره‌دی و بونی اوچ ییل ایچیده عملده ثابت قیلگن دیر.
حرمتلی مولوی عبدالکبیر، افغانستان ینگه اوروش دن چیققن و ملی اقتصاد تیکله‌نیشی و منطقوی همکارلیکنی رواجلنتیریشگه اولگوره‌دی دیب قوشیمچه قیلدی. او منطقه ده ثبات مستحکمله‌نیشی اوچون منطقوی همکارلیک تاکیدلب ایتیشیچه، افغانستان اقتصادی ثبات یونلیشیده مهم قدملر کوترگن.#
