افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حفنی بوگون توشدن سونگ لغمان ولایتی امنیه قوماندانی حرمتلی مولوی نجیب‌الله بدخشی بیلن اوچره‌شدی.
اوشبو اوچره‌شووده بیرینچیدن لغمان امنیه قوماندانی مذکور ولایت نینگ اجتماعی و امنیتی وضعیتی قوشیمچه محلی اداره‌لر اینیقسه امنیه قوماندالیک نینگ ایش و فعالیتی خصوصیده ریاست الوزراء اداری اورین باسرلیگیگه گزارش بیردی.
اونینگ سوزلریگه کوره، بو ولایت ده اسلام امیرلیگی نینگ مسووللری همده مجاهدلر بوتون کوچلری بیلن اهالی آسایشته‌لیگی همده امنیت تامینله‌نیشی اوچون تلاش قیله‌دیلر و هیچ قندی سعی و حرکت‌نی دریغ ایتمه‌یدیلر.
حرمتلی مولوی نجیب الله بدخشی قتناوو یوللری و لغمان‌ده رواجله‌نیش پروژه‌لر یولگه تشله‌نیشی باره‌سیده اشاره قیلیب، اسلام امیرلیگی نینگ مسووللریدن تیلگه آلینگن موضوعلرگه خاص توجه قیلیشلرینی ایسته‌دی.
ریاست الوزراء اداری اورین باسری حرمتلی مولوی عبدالسلام حفنی لغمان ولایتی امنیه قوماندانی بیلن اوچره‌شیش دن خورسندلیک قیلیب، امنیتنی تامینلش، تورلی بولیملرده اهالیگه خدمت قیلیش و اولرگه آسایشه‌لیک یره‌تیش اسلام امیرلیگی نینگ تعهدلریدن و مسووللر بو حقیده هیچ قندی تلاش نی دریغ ایتمسلیگی کیره‌ک دیدی.
حرمتلی مولوی عبدالسلام حنفی لغمان امنیه قوماندانی آرقلی تیلگه آلینگن موردلر توغریسیده ایتیشیچه، اسلام امیرلیگی بار امکانیت بیلن ایسله‌تیلگن موردلرگه تیرگه‌شی ممکن دیدی.#
