افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون توشدن آلدین افغانستان نینگ مالیزیاده گی ایلچیلیگی سرپرستی حرمتلی مولوی نقیب الله احمدی بیلن اوچره شدی.
بو اوچره شووده دستلب حرمتلی مولوی نقیب الله او مملکت ده افغانستان اسلام امیرلیگی ایلچیلیگی ایشلری و برنامه لری باره سیده گزارش بیریش دن بولک، هر ایکی مسلمان مملکت نینگ علاقه سی یخشی سطح ده دیب ایتیشیچه، افغانستان نینگ مالیزیاده گی ایلچیلیگی هر ایکی مملکت نینگ تورلی بولیملرده علاقه سینی کینگه یتیریش گه تلاش قیله دی.
افغانستان نینگ مالیزیاده گی ایلچیلیگی سرپرستی: میزبان مملکت ده گی وطنداشلریمیزنینگ کوپینچه سی نینگ قونسلی خذمتلرگه احتیاجلری بار، شونینگ اوچون ایلچیلیک نینگ قونسلی بولیمی تورلی بولیملرده وطنداشلریمیزگه فعال خذمت کورسته دی.
ریاست الوزراء اداری اورین باسری حرمتلی مولوی عبدالسلام حنفی بو اوچره شوودن خرسندلیک قیلیب، مالیزیا مملکت ده گی افغانستان ایلچیلیگی سرپرستی مسووللری نینگ فعالیتی همده ایشلرینی تقدیریله دی.
ریاست الوزراء اداری اورین باسری نینگ سوزلریگه کوره، افغانستان و مالیزیا ایکی مسلمان و دوست مملکت صفتیده تورلی بولیملرده کوچلی تاریخی علاقه لرگه ایگه لر و لازم دیرکه میزبان مملکت ده گی ایچیلیک نینگ مسووللری اسلام امیرلیگی نینگ پالیسی بیلن هر ایکی مملکت علاقه سی آلدین دن کوره کینگه یشی اوچون تلاش قلیشلری درکار.
حرمتلی مولوی عبدالسلام حنفی مالیزیاده افغانستان اسلام امیرلیگی ایلچیلیگی مسووللریدن محصللری قوشیمچه او مملکت ده گی باشقه افغانستانلیکلرگه خذمت کورسه تیش ده لازم سعی وحرکت بجریشلرینی ایسته دی.#
