افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون توشدن آلدین فاریاب ولایتی نینگ بیر قنچه محلی مسووللری همده مجاهدلری بیلن اوچره شدی.
اوچره شووده دستلب اولر مذکور ولایت نینگ عمومی وضعیتی و محلی حکومت چیلیک باره سیده مقامیگه معلومات بیریب، ولایت ده بوتونله خوفسیزلیک تامینلنگن مجاهدلر همده محلی مسووللر اهالی قیینچیلیگی برطرف ایتیلیشی و اولرگه خذمت قیلیش اوچون تلاش قیله دیلر
شونینگدیک اولر اسلام امیرلیگیدن سوو توغانلری، ساغلیقنی سقلش مرکزلری، یوللر قیته قوریلیشی و ولایت نینگ تورلی حدودلریده رواجله نیش پروژه لر عملگه آشیریلیشی خصوصیده توجه قیلیشلرینی ایسته دیلر.
سونگ ریاست الوزراء اداری اورین باسری حرمتلی مولوی عبدالسلام حفنی اوچره شوودن خرسندلیک قیلیب ایتیشیچه، عمومی خوفسیزلیکنی تامینلش، اجتماعی آسایشته لیک و وطنداشلر ایستکلرینی تیرگش اسلام امیرلیگی نینگ وظیفه و مسوولیتلریدن سنه له دیب، پیشنهاد لرینگیزگه قولده گی امکانیت بلن تیگیشلی اداره لر لازم چاره تدبیر کوره‌دیلر دیدی.#
