افغانستان اسلام امیرلیگی ریاست الوزراء عمومی دفتری باشلیغی حرمتلی داکتر ملا عبدالواسع بوگون توشدن آلدین کابل شهری تورتینچی ناحیه سی تایمنی سابقه منطقه سی بویوکلری بیلن ارگ ده کوریشدی.
بو اوچره شووده، بیرینچیدن سیاسی و مردمی ایشلر بوییچه باشلیغی مولوی گلزار احمد حقانی اولرنی خوش کیلیب سیزلر دیب، ریاست الوزراء عمومی دفتری ریاستی هر دایم جامعه تورلی قتلمی نینگ ایستک، قیینچیلیک و مصلحتلرینی ایشیته دی و اهالی همکارلیگی بیلن حل بولیشی اوچون تلاش قیله دی دیدی.
کیینچه لیک تایمنی سابقه منطقه سی بویوکلری نماینده لیگیده حرمتلی قاضی محمد یونس گپیریب، بیز خلق مملکت ترقیاتی و آبادنلیگی یولیده مسووللرنینگ ایشلریدن راضیلیک بیلدیریب و اسلام امیرلیگی بیلن همکار و یانیده تورگن میز دیدی.
حرمتلی قاضی محمد یونس سابقه تایمنی منطقه سیده ۵۰۰دن آرتیق عایله لر یشه یدیلر که بولرگه جامع مسجدی یوق و حاضرده اسلام امیرلیگی اوقیش، تعلیم، علمی، شرعی و مسجدلر قوریشنی اوز اولویتیگه آلگن، دیمک سابقه تیمنی منطقه سیده دولت ییرده بیر محراب جامع مسجد قوریلیشینی ایسته میز دیدی. شونینگدیک او اهالی نینگ قیینچیلیگی حل بولیشی اوچون تایمنی نینگ ۱۳ سرکیده گی برق ترانسفارمری کوچه یتیریلیشینی ایسته یمیز دیدی.
ریاست الوزراء عمومی دفتری حرمتلی باشلیغی اولرنی خوش کیلیب سیزلر دیب، بیزلر مردم نینگ تورلی قتلمی جمله دن عالملر، کسب کارلر و یاشلر بیلن اوچرشیب، اولرنینگ ایستک و پیشنهادلرینی ایشیتیش ضمنیده اونی تیرگش و حل ایتیش اوچون لازم سعی و حرکتلرنی بجرگن میز دیدی.
اونینگ سوزلریگه کوره، اسلام امیرلیگی مسووللری مردم نینگ قیینچیلگی حل بولیشی و اولرگه یخشی خذمت قیلیش مقصدیده تلاش قیله دی دیب، اولرگه ایستک و پیشنهادلرینگیز حل بولیشی اوچون تیگیشلی اداره لرگه شریک قیلینه دی دییه اطمینان بیردی.#
