افغانستان اسلام امیرلیگی ریاست الوزراء سیاسی اورین باسری حرمتلی مولوی عبدالکبیر بوگون لوگر ولایتیگه بولگن سفریده جهادی مدرسه دستاربندلیگیگه اشتراک قیلیب نطق سوزله‌دی.
اوشبو دستاربندلیک ییریک ییغین ده عالی تحصیلات وزیرلیگی سرپرستی شیخ محمد ندیم، افغان قیزیل آی عمومی رییسی شیخ شهاب الدین دلاور، امر بالمعروف، نهی المنکر و شکایتلرنی ایشتیش وزیرلیگی معینی شیخ فقیر محمد محمدی، لوگر ولایتی والیسی قاری ضیاالرحمن مدنی، محلی ملکی و حربی مسووللر، عالملر، لوگر بیلیم یورتی و معارف مسووللری، مجاهدلر و بیر قنچه اهالی اشتراک قیلگن ایدیلر.
حرمتلی مولوی عبدالکببر جهادی مدرسه‌ده قرآن کریم حفظی و حدیث دورینی بیتتیرگنلر عایله‌سی و جهادی مدرسه استادلریگه بو فراغت نی تبریکله‌دی.
محترم سیاسي اورین باسری جهادي مدرسه نینگ یکوني ییغیلیشیده خوشلیگینی اظهار ایتیب، اسلام امیرلیگی دیني مدرسه‌لر بیلن بیر قطارده مکتب و بیلیم یورتلرینی هم رواجلنتیریش طرفداری ایکنینی، بیلیم یورتی طلبه‌لرینی دیني روحده تربیه‌لش باره‌سیده‌گی سعی-حرکتلرنی تأکیدله‌دی.
حرمتلی مولوي عبدالکبیر اسلامي نظام اورته گه کیلگندن کیین اقتصادي ترقیاتدن تشقری اسلام امیرلیگی سیاسي و علمي ساحه‌لرده هم مهم یوتوقلرگه اېریشگنینی و اوقوو ییلی مملکت بۉپویلب یخشی اوته‌یاتگنینی قوشیمچه قیلدی.
ریاست الوزراء حرمتلی سیاسی اورین باسری اسلام امیرلیگی افغانستاننی یخشی نمایان قیله آلیشی و سونگگی بیر نیچه ییل ایچیده دنیا بیلن بې‌واسطه علاقه‌ده بوله آلگنینی توشونتیردی.
محترم مولوي عبدالکبیر اسلامي نظام خلق تامانیدن قوللب-قوّتلنه‌یاتگنینی ایسله‌تیب، خلق اسلام امیرلیگی غلبه‌سی اوچون قربان بولگنیدیک، حکومتده هم خلق نینگ اولوشی بارلیگینی قوشیمچه قیلدی.
بیتیرووچی عالِملرگه خطاب قیلیب، اسلام امیرلیگی یاشلرگه کتّه حصه قوشگنی و حکومت صفلریده کوپلب یاشلر خدمت قیله‌یاتگنینی تأکیدله‌دی.
اوچره‌شوو سونگیده مولوی عبدالکبیر بیتیرووچی عالِملرنی ینه بیر بار تبریکلب، اولرنی پول ساوغه‌لری بیلن تقدیرله‌دی.#
