افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون توشدن سونگ قندوز ولایتی نینگ بویوکلری، آقسقاللری و شخصیتلری بیلن اوچره‌شیب ملاقات قیلدی.
اوچره‌شووده بیرینیچدن حرمتلی داکتر محمد یوسف ایوبی باشقه لر نماینده‌لیگیده صحبت قیلیب، ولایت نینگ اجتماعی، اقتصادی و امنیتی وضعیتی باره‌سیده ریاست الوزراء اداری اورین باسرلیگیگه معلومات بیردی.
حرمتلی داکتر محمد یوسف ایوبی امنیت تامینله‌نیشی و ترقیات پروژه‌لر عملگه آشیریلیشی اوچون اسلام امیرلیگی مسووللری نینگ سعی و حرکتلریدن قدردانلیک قیلدی.
کیینچه‌لیک ریاست الوزراء اداری اورین باسری حرمتلی مولوی عبدالسلام حنفی اوچره‌شوودن خورسندلیک قیلیب ایتیشیچه، حاضرگی کونده الحمدالله هیچ بیر بولیم ده هیچ قندی قیینچیلیک یوق و مسووللر ایسه یشاوچیلرگه خدمت قیلیش اوچون تلاش قیله‌دیلر.
حرمتلی مولوی عبدالسلام حنفی افغانستان برچه افغانلرنینگ مشترک اویی دیب و همه بونینگ قوریلیشی اوچون بیرگه‌لیکده تلاش قیلیشی کیره‌ک و خارج ده یشاووچی برچه افغانلردن اوز اوز اولکه‌لریگه قیتیب کیلیب ممملکت رواجله‌نیشی و ترقیاتی یولیده سهم آلیشلرینی سوره‌دی.#
