افغانستان اسلام امیرلیگی ریاست الوزراء اداری اورین باسری و یولداش هیاتی ازبکستان بلند مرتبه‌لی رسمیلری و تاریخی همده فرهنگی ساحه‌لرینی یقیندن باریب کوریشی دوامیده بوگون ترمذ شهریگه سفر قیلدی.
اوشبو سفرده ریاست الوزراء اداری اورین باسری و یولداش هیاتیی سرخان دریا ولایتی ترمذ شهری والیسی همده دولت مقاملری تامانیدن خوش قرشیلندی و کیین بو ولایت والیسی حرمتلی الوغ بیک قاسموف بیلن دیدارلشدی.
سرخان دریا والیسی حرمتلی عبدالسلام حنفی همده یولداش هیاتنی خوش کیلیب سیزلر دیب هر ایکی مملکت نینگ اوزاق مدتلی علاقه‌سینی ایسلب، افغانستان و ازبکستان اوزاق ییللر دوامیده ایکی ایناغه قوشنی صفتیده مسالمت آمیز یشب کیلگنلر و تورلی بولیملرده ایزگو و نیک مناسبتلرگه ایگه‌لر و ازبکستان مملکتی بو علاقه‌لر ایریم بولیملرده ینه هم مستحکمله‌نیب کوچه‌یتیریلیشینی ایسته‌یدی دیدی.
کیینچه‌لیک ریاست الوزراء اداری اورین باسری حرمتلی مولوی عبدالسلام حنفی اولرنینگ استقبالی و مهمان‌نوازلیگیدن تشکرلیک قیلیب، افغانستان و ازبکستان ایکی دوست و یقین قوشنی صفتیده بیر بیراوگه حرمتگه اساسلنگن نیک علاقه و تعامل‌ده بولیب و افغانستان ایسه تاریخی، فرهنگی و هر ایکی تامانونینگ باشقه مشترکاتلریگه تیه‌نیب بو علاقه‌نی مستحکملب و اونی کینگه‌یتیریشگه تلاش ایته‌دی دیب تیلگه آلدی.
شونینگدیک حرمتلی مولوی عبدالسلام حنفی و یولداش هیاتی بو ولایت نینگ مقدس مکانلری، تاریخی و فرهنگی خصوصا امام ترمذی و حکیم ترمذی رحمهما الله نینگ مقبره‌سینی باریب کوریب دعا قیلدیلر.#
