اقتصادی کمیسیونی نینگ نوبت ده گی ییغینی افغانستان اسلام امیرلیگی ریاست الوزراء اقتصادی اورین باسری حرمتلی ملا عبدالغنی برادر آخند باشچیلیگیده مرمرین قصریده بولیب اوتدی و آجندا اساسیده بیلدیریلگن موضوعلر اوستیده بحث قیلیندی.
اوشبو جلسه ده میدان وردک ده گرومبی توغانی، بلخ نینگ قره تیره توغانی، قندهارنینگ شنه نری توغانی و پکتیا نینگ چنری توغانی پروژه لری نینگ امکان سنجلیک پروژه‌سی سوو برق وزیرلیگی آرقلی بحث گه تقدیم ایتیلدی. هر تامانلمه تیکشیروودن سونگ، مذکور پروژه لر ۱۴۰۴ –ییل مالی بودجه سیگه آلینیشی اوستیده قرار قبول قیلیندی.
شونینگدیک مذکور ییغین ده قندهارنینگ بای پاس شاه یولی، ارغستان توغانی قوریلیشی، کابل دن جلال آبادگچه ۹۰ کیلومتر لین تارتیش و جلال آباد ده شیخ مصری سب استیشنی نینگ ایشی تکمیل بولیش موضوعی اوستیده بحث آلیب باریلدی. بو توغریده تفصیلی بحث دن کیین، مالیه وزیرلیگی تامانیدن مخصوص کود ایجاد بولیشی همده بامیان ولایتی یکاولنگ اولسواللیگی گنده کوتل کانی نینگ سرب و جستی دن قولگه کیله دیگن درآمد اوشبو عام المنفعه پروژه لرگه اختصاص بیریلیشی اوستیده تصمیم آلیندی.
شونینگدیک اوشبو ییغین ده استملاک جریانی تیزلشتیریلیشی، کابل ولایتی سروبی اولسواللیگیده قویاش دن ۱۰ میگاوات برق ایشلیب چقاریش پروژه سی نینگ ییری تصفیه و اوتکزیلیشی، دشت الوان ۵۰۰ کیلوولت لینی نینگ تارتیش ایشی تکمیل بولیشی، چمتله سب استیشنی ۲۲۰کیلووت لینی ییتکزیلیشی نینگ تمدیدی و ارغندی سب استینشی ۲۲۰کیلوولت لینی تمدیدی اوستیده بحث آلیب باریلدی.
بحث لردن سونگ ایکینچلیک، سوغاریش و چارواچیلیک وزیرلیگیگه مذکور پروژه لر ییری نینگ قالگن ۲۰ فایزی تصفیه و استملاک جریانینی تکمیل قیلیش اوچون وظیفه تاپشیریلدی و مالیه وزیرلیگی ۱۴۰۴ ییل مالی بودجه گه مذکور ییرلر استملاکی توغریسیده بودجه اختصاصلشتیریشی بویرولدی.
ییغین نینگ یکونیده ننگرهار ولایتیده خصوصی سکتوری آرقلی حصار شاهی صنعتی پارکیده قویاش دن ۴۰ میگاوات برق ایشلب چیقاریش اوچون سرمایه یاتقیزیش طرحی هم تصدیقلندی. اوشبو طرح اساسیده خصوصی سکتور ۵۰.۶۹ میلیون دالر سرمایه کیریته دی.
بو توغریده آلینگن تصمیم لر عالیقدر امیرالمؤمنین شیخ صاحب حفظه‌الله تعالی آرقلی تصدیقلندی.#
