افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی پکتیکا ولایتی نینگ بیر قنچه عالملری همده بویوکلری بیلن اوچره‌شدی.
اوچره‌شوو بیرینچیدن عالملر همده بویوکلر پکتیکا ولایتی نینگ اجتماعی، اقتصادی و امنیتی وضعیتی باره‌سیده ریاست الوزراء اداری اورین باسرلگیگه معلومات بیردیلر.
پکتیکا ولایتی نینگ عالملری همده بویوکلری اسلام امیرلیگی مسووللری نینگ امنیت همده اهالی آسایشته‌لیگی یولیده‌گی زحمتلری اوچون منتدارچیلیک قیلیب، ایریم موضوعلر جمله‌دن مدرسه‌لر، مکتبلر، ساغلیقنی سقلش، قتناو یوللری و رواجله‌نیش پروژه‌لر یولگه تیشله‌نیشیگه اشاره قیلیب اسلام امیرلیگی نینگ مسووللریدن بو توغریده خاص توجه قیلیشلرینی سوره‌دیلر.
ریاست الوزراء اداری اورین باسری حرمتلی مولوی عبدالسلام حنفی پکتیکا ولایتی دین عالملری همده بویوکلری بیلن اوچره‌شگنیدن خورسندلیک قیلیشدن علاوه، امنیت تامینله‌نیشی، ایریم بولیملرده یشاوچیلرگه خذمت کورسه‌تیش و آسایشته‌لیک یره‌تیش اسلام امیرلیگی نینگ وظیفه‌لریدن دیر و بو باره‌ده هیچ قنده‌ی سعی و تلاش نی دریغ ایتمه‌یدیلر دیدی.
ریاست الوزراء اداری اورین باسری حرمتلی مولوی عبدالسلام حنفی اوچره‌شگنلر آرقلی تیلگه آلینگن موضوعاتلر خصوصیده اسلام امیرلیگی اوزی نینگ امکانیتی اساسیده بیلدیریلگن موردلرگه اعتباره قره‌ته‌دی دیب ایتدی.#
