افغانستان اسلامی امارت ریاست الوزراء رئیسی حرمتلی ملا محمد حسن آخوند بوگون توشدن آلدین ۱۴۰۱ بهار کیریب کېلیشی مناسبتی بیلن ارگ میدانیده کوچت (نهال) اوتقزدی.
مراسم الله تعالی کلامیدن بیر نیچه آیت تلاوت قیلینیشی بیلن باشلندی. ریاست الوزراء رئیسی، ریاست الوزراء دفتر رئیسی داکتر ملا عبدالواسع، کابل امنیه قوماندانی حمزه و اسلامی امارت نینگ بیر قنچه بلند مرتبه لی رسمیلری یشیل و بختلی بیر افغانستان آرزوسیده کوچت ایکدیلر.
ملا محمد حسن آخوند بهار بیره‌می مناسبتی بیلن اوز پیامیده بوتون یورت خلقینی اوز حدودلری، یشش اویلری و هر بیر قوله‌ی جایگه اطراف - محیطنی کوکلمزارلشتیریش، آباد و فراوان افغانستان اوچون بیر _ بیر کوچت ایکیشگه چقیردی.
ییگیرمه ییللیک اوروش افغانستان آستقورمه لری و ایریم اساسی بولیملری بیلن بیر قطارده اطراف محیطگه جدّی ضرر یېتکزدی و اطراف - محیطنی یخشیلش اوچون برچه میز بیرگه لیکده یشیل افغانستان اوچون سعی و حرکت قیلیشیمیز کیره ک دیدی حرمتلی ریاست الوزراء رئیسی.
حرمتلی ریاست الوزراء رئیسی اوزی نینگ صحبتلری اداغیده، افغانستان ترقیاتی و خلق نینگ آسایشته لیگی اوچون اسلامی امارت اطراف - محیط تازه سقله نیشی اوچون جدی اعتبار قره تیشی ممکن دیدی.
