افغانستان اسلام امیرلیگی ریاست الوزراء سیاسی اورین باسری حرمتلی مولوی عبدالکبیر بوگون سپیدار قصریده ایری- ایری اوچره‌شوولرده تورمه ایشلری حربی اداری اورین باسری لوی پاسوال قاری حبیب الله بدر، لغمان عالملر کینگشی باشلیغی شیخ محمد سلیم و بیر قنچه مجاهدلر بیلن ملاقات قیلیشدی.
دستلب، قاری حبیب الله بدر ریاست الوزراء سیاسی اورین باسریگه ایشانچ بیریب ایتیشیچه، بو اداره نینگ برچه تیگیشلی تورمه لریده محبوسلر انسانی و شرعی حقوقی مصون دیر و محبوسلرگه دینی و زمانوی بیلیم یانیده حرفوی و تربیتی پروگراملر اورگتیله‌دی و محبوسلرگه لازم آسانلیک یره‌تیلگن.
اونینگ‌ایتیشیچه، اداری، ملکی و حربی مسووللر و خادملر قماقخانه ایشلری یخشی بیر صورتده بجربلیشی اوچون کیچه و کوندوز تلاش قیله‌دیلر.
عین حالده لغمان ولایتی عالملر کینگشی باشلیغی شیخ محمد سلیم اسلام امیرلیگی حاکمیتیدن خورسندلیک قیلیب، اسلامی نظام دین عالملری قوشیمچه برچه افغانلرنینگ ایسته‌گی ایدی.
شونینگدیک او ریاست الوزراء سیاسی اورین باسریگه لغمان ولایتی عالملر کینگشی و دینی مدرسه‌لر باره‌سیده معلومات بیریب اوز قیینچیلیکلرینی شریک قیلدی.
ریاست الوزراء سیاسی اورین باسری اولرنینگ معلوماتیدن منتدارچیلیک قیلیب، افغانستان برچه افغانلرنینگ قوشمه اویی دیر و بونینگ قوریش و آباد قیلیش هم همه نینگ مسوولیتی دیب تیلگه آلدی.#
