افغانستان اسلام امیرلیگی ریاست الوزراء سیاسی اورین باسری همده کفیل حرمتلی مولوی عبدالکبیر باشچیلیگده بوگون اسلام امیرلیگی نینگ سیاسی کمیسیونی ییغینی بولیب اوتدی.
سوو برق وزیرلیگی سرپرستی حرمتلی ملا عبداللطیف منصور حضوریده بولیب اوتگن اولتیریشده ایریم سیاسی موضوعلردن علاوه ایران اسلام جمهوریتی حقابه موضوعی باره سیده به تفصیل گپیریلدی و موضوع اوستیده هر تامانلمه بحث قیلیندی.
بو اوچره شوود قویاش ۱۳۵۱ ییلده کابل و تهران اورته سیده امضالنگن کیلیشوو نینگ حقوقی جنبه لری اوستیده گپیریلیب بو مساله اوچون ییچیم یولی اوستیده تاکیلندی.
سیاسی کمیسیون حرمتلی اعضالری قوشنی دولتلر بیلن مثبت مناسبت اینیقسه ایران بیلن یخشی علاقه باره سیده تاکید له دیلر و ایران اسلام جمهوریتی بیلن ایزگو مناسبت ده بولیش اسلام امیرلیگی سیاسیتی نینگ بیر بولمی دیب تیلگه آلدیلر.
