افغانستان اسلام امیرلیگی ریاست الوزراء سیاسی اورین باسری حرمتلی مولوی عبدالکبیر بوگون مجاهدلر حکومتی نینگ سوو و برق وزیری انجنیر سید محمد ایوب باشچیلیک قیلگن بیر قنچه سابق جهاد قوماندانلری بیلن اوچره شدی.
اوشبو جهاد قوماندانلری اسلام امیرلیگی و افغانلر بازوسی بیلن مملکت ده امریکا همده غرب نینگ مغلوبیتینی تاریخی بیر حادثه دیب اوشبو پیروزلیک بوتون اسلام دنیاسی نینگ افتخاری دیدیلر.
شونینگدیک اولر اسلام امیرلیگی آرقلی قیته قوریش ایشلر باشلنگنیدن خوشلیک قیلیب و اسلام امیرلیگی بیلن هر قنده ی همکارلیکدن ایشانچ بیردیلر.
ریاست الوزراء سیاسی اورین باسری حرمتلی مولوی عبدالکبیر مذکور مهمانلرنی خوش کیلیب سیزلر دیب، اسلام امیرلیگی شورینی اشغالی وقتیده مجاهدلرنینگ مبارزه همده جهادینی قدر کوزی بیلن کوره دی دیدی.
اونینگ سوزلریگه کوره، افغان خلقی نینگ آرمانلری شورویگه قرشی جهاددن سونگ قولگه کیلمه دی، اسلام امیرلیگی کینگ کولمده قربانلیک بیریب قولگه کیریتدی و افغانلر اشغال ختمی و اسلامی نظام حاکمیتی بیلن اوز مقصدلریگه ییتدیلر.
اونینگ کوپه یتیریشیچه، اسلام امیرلیگی مملکت ملی اقتصادینی قیته تیکلش و آستقورمه لرنی قوریشنی اولویت گه قویگن و افغانلر ایستگیگه وقتیده جواب بیریشگه سعی و حرکت قیله دی.#
