افغانستان اسلام امیرلیگی ریاست الوزراء مقامی دفتری عمومی رییسی حرمتلی داکتر ملا عبدالواسع بوگون توشدن آلدین تایر، بطری و مبلایل وارد قیلووچی بیرلشمه سی باشلیغی و اعضالری بیلن ارگ ده اوچره شدی.
دستلب ریاست الوزراء مقامی دفتری نینگ سیاسی و مردمی ایشلر بوییچه باشلیغی حرمتلی مولوی گلزار احمد حقانی اوشبو ملی تاجرلرنی خوش کیلیب سیزلردیب ایتیشیچه، اسلامی نظام برچه وطنداشلرنینگ مصلحت و پیشنهادلرینی ایشیته دی و حل قیلیشنی اوزنینگ مسوولیتی دیب بیله دی.
سونگ حرمتلی حاجی الله داد و حرمتلی حاجی عبدالستار باشقه لر نماینده لیگیده صحبت قیلیب، اسلامی نظام حاکمیتیدن سونگ تجارلر همده سرمایه یاتقیزووچیلرگه یره تیلگن آسانلیک نی تیلگه آلیب ایتیشلریچه، خودکفالیککه ایریشیش مقصدیده مملکتده بطری ایشلب چیقاریش لایحه‌سینی حمایت قیله دیلر، لیکن بطری ایشلب چیقاریش یانیده واردقیلیشگه هم احتیاج بار دیب، تعرفه آشیشی معماسی حل بولیشی کیره‌ک دیدیلر.
ریاست الوزراء مقامی دفتری عمومی رییسی حرمتلی داکتر ملا عبدالواسع مذکور ملی تجارلرنی خوش کیلیب سیزلر دیب ایتیشیچه، عالیقدر امیرالمؤمنین حفظه الله تعالی مملکت اقتصادینی یخشیلشتیریش و تجارلرنی حمایت قیلیش مقصدیده ایریم بولیملرنی مالیه دن معاف قیلگن دیر.
حرمتلی داکتر ملا عبدالواسع ملت حکومت نینگ چاره تدبیرلرینی حمایت قیلیب و اولرگه ایشانیش کیره ک دیب اشاره قیلیب، مذکور بیرلشمه نینگ باشلیغی و اعضالریگه قیینچیلیک همده پیشنهادلرینی حل بولیشی مقصدیده تیگیشلی اداره لرگه شریک بوله دی دیب اطمینان بیردی.#
