افغانستان اسلام امیرلیگی ریاست الوزراء نینگ اقتصادي اورین باسری حرمتلی ملا عبدالغنی برادر آخند بوگون کابل ولایتی نینگ شکردره تومنیده‌گی شاه عروس توغانینی ایشگه توشیریش مراسمیده اشتراک ایتدی و نطق سوزله‌دی.
مراسمده ریاست الوزراء سیاسي اورین باسرلریدن تشقری کابینه نینگ بیر قطار اعضالری، خصوصي سکتور نماینده لری و محلي اهالی هم اشتراک ایتدیلر.
شو مناسبت بیلن اوتکزیلگن طنطنه‌لی مراسمده ریاست الوزراء اقتصادی اورین باسری سوو نینگ قدریگه توخته‌لیب، بوگونگی کونده سوو سیاست و خلق ارا مناسبتلرده مهم اقتصادي عنصر صفتیده بحث قیلینه‌یاتگنی، اَیریم مملکتلرده اونینگ قدر-قیمتی نفت، منراللردن کوپرا قیمتی یوقاری ایکنلیگینی تأکیدله‌دی.
ملا برادر آخندگه کوره، افسوسکی، افغانستانگه تطبیق ایتیلگن اوروشلر همده قطار ایچکی و تشقی عامللر طفیلی اوشبو مهم اقتصادي عنصر باشقریش اوچون بو دولتگه کتّه سرمایه کیریتیلمه‌گن و شو سببدن موسمي آفت لردن کیلیب چیققن کوچلی تاشقینلر یامغیر یاغه‌دی و اقلیم اوزگره‌دی، بیر قنچه آدملر حیاتی و مالیوي یوقاتیشلرگه دچار بوله‌دی.
ریاست الوزراء اقتصادي اورین باسری اسلام امیرلیگی سوو نینگ قدری و احتیاجینی انگله‌گن حالده اوشبو مهم اقتصادي عنصرنی باشقریشگه جدّي اعتبار قره‌تگنینی و شو مقصدده شاه عروس نینگ قالگن ایشلرینی یکونله‌گنینی تأکیدله‌دی. کابل ولایتی نینگ شکردره تومنیده‌گی سوو تۉغانی بوگونگی کونده قووانرلیسی، قیشلاق زراعت و تازه ایچیملیک سوو بیلن تأمینلش مقصدیده فایده‌لنیشگه تاپشیریلگن.
حرمتلی اقتصاد اورین باسری اوشبو بند ایشی توگللنیشی بیلن ولایتده‌گی کوپلب دهقانلر نینگ زراعتی ییرلرینی سوغاریشلری اوچون سوو تأمینلنیشی و الکتر انرژیسی ایشلب چیقریشدن تشقری، سیزیلرلی یاردم بیریشینی قوشیمچه قیلدی و اقتصاد و بوتون مملکت ملي اقتصادی اوچون علحیده اهمیت گه ایگه دیدی.
حرمتلی ملا برادر آخند برچه یورتداشلرینی اوشبو بویوک و ملي لایحه بیلن تبریکلب، اوشبو و باشقه لایحه‌لرنی حمایه قیلیشده اسلام امیرلیگی بیلن ییلکمه - ییلکه یاردم و همکارلیک قیلیشلرینی ایسته دی.
ایسله‌تیب اوتمیز، بلندلیگی ۷۸ متر بولگن شاه و عروس توغانلری ۹.۴ میلیون کوب متر سوو سقلش قوّتیگه ایگه بولیب، ۳۵۰۰ هکتارگه یقین ییرنی سوغاریش و ۱.۲میگاوات برق انرژیسی ایشلب چیقریش امکانینی بیره‌دی.#
