افغانستان اسلام امیرلیگی ریاستالوزراء دفترینینگ عمومی باشلیغی داکتر ملا عبدالواسع بوگون توشدن آلدین، ارگده سیاحتچیلیو شرکتلری عمومی جمغرمهسی مسؤوللری و اعضالری بیلن اوچرهشدی.
اوشبو اوچرهشووده سیاحتچیلیک شرکتلری عمومی جمغرمهسی باشلیغی حرمتلی قاضی جان قریشی باشقهلر نامیدن سوزگه چیقیب، افغانستان تاریخ، مدنیت، طبیعی گؤزللیکلر و استراتیژیک جایلشوو جهتیدن اوته مهم ایکنلیگینی ایتدی. اگر سیاحت یولیدهگی موجود معمالر حل ایتیلیب، قوشیمچه قوليلیکلر یرهتیلسه، افغانستان منطقه و جهان مقیاسیده مهم سیاحت مرکزلریدن بیریگه ایلنه دی و بونینگ نتیجهسیده وطنداشلر اوچون ایش اورینلری هم یرهتیلیشینی ایتدی.
شونینگدیک او سیاحتچیلیک شرکتلریگه اجازت نامه ترقهتیش و اوزیتیریش، ادارهلرنینگ دواملی همکارلیگی، تاریخی و تفریحی جایلرده خلقارا تیللرده بیلگیلر و بنرلر اورنیتیش همده سیاحتچیلرگه آنلاین ویزه بیریش بولیملریدهگی ایستک و تکلیفلرینی یازمه شکلده داکتر ملا عبدالواسع جنابلریگه تقدیم ایتدی.
انهشو حالده، ریاستالوزراء دفترینینگ عمومی باشلیغی حرمتلی داکتر ملا عبدالواسع اولرنی خوشکیلیبسیزلر دیب، افغانستانده عمومی خوفسیزلیک تأمینلنگنی و سیاحت اوچون باشقه مملکتلرگه قرهگنده ارزان خذمتلر کورسه تیلیشی، مملکتده سیاحتچیلر سانی آشیچیگه سبب بولگنینی ایتدی.
ریاستالوزراء دفترینینگ عمومی باشلیغی اولرگه قرهته شوندهی دیدی: «ممکن بعضی بولیملرده کمچیلیکلر موجود بولسه، بیراق اسلام امیرلیگینینگ مسؤوللری بوندن خبردار و اولرنی حل ایتیش اوچون لازم چارهلر کوریشماقده. افغانستاندهگی تجارت و سرمایهیاتقهزیش اوچون بولگن مقصدینگیز، جفا چککن ملتنی قؤللب-قووتلش و ملی منفعتلرنی اولویت بیریش بولیشی کیرهک.»
اخیرده، ریاستالوزراء دفترینینگ عمومی باشلیغی اولرنینگ ایستک و تکلیفلری حل ایتیلیشی اوچون تیگیشلی ادارهلر بیلن اورتاقلشیشی بوییچه ایشانچ بیردی.#
