اداری کمیسیون جلسه‌سی بوگون توشدن آلدین افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی باشچیلیگیده مذکور کمیسیون اعضالری اشتراکیده بولیب اوتدی.
اوشبو جلسه‌ده بیرینچیدن تعینلنگن کمیته‌لر کمیسیون تامانیدن تاپشیریلگن ایشلری و فعالیتلری باره‌سیده‌گی اجراتلری حقیده گزارش بیردیلر.
کیینچه‌لیک مخابرات و تکنالوژی وزیرلیگی، عالی تحصیلات، ساغلیقنی سقلش وزیرلیکلری قوشیمچه امارتی شرکتلر، کابل شهردارلیگی‌گه تیگیشیلی موضوعلر همده ایکینچیلیک وزیرلیگی آرقلی معیشت بدیل و زراعتی محصولات زنجره‌یی ارزشینی کوتریش باره‌سیده تیارلنگن بیش ییللیک طرحی اوستیده بحث آلیب باریلیب بو خصوصده لازم قرار قبول قیلیندی.
شونینگدیک بو جلسه‌ده ایچکی ایشلر، ایش و اجتماعی، مالیه، اطلاعات و فرهنگ وزیرلیکلری شامل بیلیملر اکادمیه‌سی موضوعلری اوستیده کوپراق تدقیق ایتیش اوچون ایری کمیته‌لرگه وظیفه تاپشیریلدی.#
