افغانستان اسلام امیرلیگی ریاست الوزراء سیاسی اورین باسری حرمتلی مولوی عبدالکبیر بوگون پروان ولایتی نینگ خلازی قوم بویوکلری و نفوذلی کیشیلری بیلن اوچره‌شدی.
سپیدار قصریده بولیب اوتگن بو اوچره‌شووده خلازی قوم بویوکلری و نفوذلی کیشیلری قوملر قیینچیلیگی حل بولیشی بولیمیده اسلام امیرلیگی سعی و تلاشینی آلقیشلب ایتیشلریچه، غرب اشغالیده کینگ آغیر زیان کورگنلر و بیر قنچه عایله‌لر آواره بولگنلر اسلام امیرلیگی حاکمیتی بیلن قیته‌دن اوز اویلریگه قیتیب کیلدیلر.
پروان خلازی قوم باشلیقلری اوزلریگه نسبتاً اوتمیشده تورلیچه مناسبتده بولگنلیکلرینی ایسلب، اولر کوپ حیات دستلبکی سهولتلریدن فایده‌لنیش امکانیگه ایگه ایمسلیکلرینی و بو منطقه کابل نینگ اوّلگی اداره‌سی و خارجلیکلر تامانیدن محروم قالدیریلگنینی ایتیشدیلر.
بو قوم بویوکلری ایچیملیک سوو، مکتبلر، یوللر، کسلخانه‌لر و باشقه بیر قنچه آبادانلشتیریش لایحه‌لرینی یولگه قوییش مقصدیده ریاست الوزراء نینگ حرمتلی سیاسي اورین‌باسریگه خلق نینگ پیشنهادینی تاپشیردیلر.
اوچره‌شوو نینگ دوامیده ریاست الوزراء سیاسی اورین باسری حرمتلی مولوی عبدالکبیر خلازی قوم بویوکلری نینگ تشریفیدن خورسندلیگینی بیلدیردی و اولر نینگ اسلام توزومی غلبه‌سی اوچون قیلگن فداییلیکلرینی تیلگه آلدی.
حرمتلی سیاسي اورین باسر اسلامي توزومده کمسیتیشلرگه اورین یوقلیگینی و برچه قوملر اسلام امیرلیگیده بیر خیل حقوقلرگه ایگه ایکنلیگینی تأکیدله‌دی.
حرمتلی مولوی عبدالکبیر هیچ بیر افغان اوزینی محروم حس قیلمسلیگینی و اسلام امیرلیگی خلققه خدمت قیلیش اوچون برچه امکانیتلرینی ایشگه سالیشینی توشونتیردی.
ریاست الوزراء سیاسي اورین باسری ییغیلیش یکونیده بیلدیریلگن تکلیفلر کوریب چیقیلیشی و تبگیشلی اداره‌لرگه ضرور توصیه‌لر بیریلیشیگه اطمینان بیردی.#
