افغانستان اسلام امیرلیگی ریاست الوزراء کفیل همده سیاسی اورین باسرلیگی عمومی دفتری باشلیغی حرمتلی مولوی ذاکر بوگون یوناما نینگ سیاسی بولیمی رئیسی و افغانستان اوچون خلق ارا بانک نماینده سی بیلن اوچره شدی.
اوشبو اوچره شووده افغانستان یوناما و خلق ارا بانک فعالیتی و اولرنینگ افغانستانگه بولگن همکارلیک قندهی لیگی اوستیده بحث بولدی.
افغانستان اوچون بیرلشگن ملتلر یاردملر بوییچه ماموریت سیاسی بولیم رئیسی سکات اسمیت نینگ ایتیشیچه، افغاسنتانده قشاقلیککه پایان بیریش و افغانلرگه اساسی خذمت قیلیش بوییچه اسلام امیرلیگی بیلن یقین همکارلیک قیلیش اوچون سعی وحرکت ایته دی.
اونینگ سوزلریگه کوره، یقین کیله جکده افغانستان باره سیده نیورک همده بروکسل ده ایککی ییغین بولیب اوته دی و یوناما ایسه بو ییغینلرگه اشتراک قیله دیگنلرنی افغانستانگه کوپراق یاردم ایتیشگه تشویق ایته دی.
شونینگدیک اسمیت جنابلری اسلام امیرلیگی نینگ مخدر ماده لرگه قرشی کوره شیش بوییچه فعالیتی آقیلیشگه سزاوار دیر دیدی.
عین حالده، بو اولتیریشده دنیا بانکی نینگ نماینده سی افغانستان خلقی گه ساغلیق همده انسان پرورلیک بولیملرگه بولگن یاردملر دوام ایته دی دیب، افغانستانده گی اقتصاد بولیمیده رواجله نیشنی تیلگه آلدی.
ریاست الوزراء کفیل همده سیاسی اورین باسرلیک عمومی دفتری باشلیغی حرمتلی مولوی ذاکر یوناما دنیا بانکی نینگ کمکلریدن تشکرلیک قیلیب ایتیشیچه، بیر قنچه افغانلر اقتصادی قیین چیلیککه روپه ره دیر اولرنی یاردمگه ضرورتی بار.
شونینگدیک افغانستان ایکینچیلیک، ساغلیق، معارف و آستقورمه لایحه لرگه یاردمگه احتیاجی بار دیدی.
اونینگ کوپه یتیریشیچه، یوناما افغانستانده گی امنیت، اقتصادی اوسیشی، فساد کمه یگنی، مخدرماده گه قرشی کوره شیش و باشقه بولیملرده گی یوتوقلری تصورینی دنیا بیلن بوندی ییغینلرده دنیا بیلن شریک قیلیشی کیرهک دیدی.
شونینگدیک حرمتلی مولوی ذاکر دنیا بانکی نینگ ایریم تحریملری کوتریلگنینی افغانستان اقتصادی اوسیشی اوچون مهم بیر آدیم دیدی.
