افغانستان اسلام امیرلیگی ریاست الوزراء سیاسی اورین باسری حرمتلی مولوی عبدالکبیر بوگون روسیه فدراسیونی ملی خوفسیزلیک کینگشی عمومی کاتبی سرگی شویگو و یولداش هیاتی بیلن اوچره شدی.
سپیدار قصریده بولیب اوتگن بو اوچره شوو، قوم و قبیله لر وزیرلیگی سرپرستی حرمتلی ملا نورالله نوری، استخبارات عمومی رییسی حرمتلی ملا عبدالحق وثیق، ملی مدافعه وزیرلیگی نینگ لوی درستیزی قاری فصیح الدین فطرت و تشقی ایشلر همده ایچکی ایشلر وزیرلیکلری نینگ اورین باسرلری اشتراک قیلگن ایدیلدیر.
شونینگدیک، روسيه فدراسیونی هیاتی ترکیبیگه باش وزیر اورین باسری جناب الکسي آویرچوک، ملي خوفسیزلیک کینگشی کاتبی اورین باسری جناب الکساندر وینیدیکتوف، روسيه نینگ افغانستان بوییچه مخصوص وکیلی جناب ضمیر کابلوف، روسيه فدراسیونی نینگ کابلده‌گی ایلچیسی و بیر قطار حکومت مسووللری اشتراک قیلگن ایدیلر.
روسيه فدراسیونی ملي خوفسیزلیک کینگشی باش کاتبی سیرگی شویگو کابلگه قیلگن سفریدن خورسندلیگینی بیلدیریب، روسيه مسکو و کابل اورته‌سیده‌گی سودا-اقتصادي علاقه‌لرنی رواجلنتیریشنی خواهلشینی ایتدی.
اونینگ سوزلریگه کوره، اونینگ مملکتی افغانستانده تورلی ساحه‌لرده، خصوصاً، تیمیر یول، ترانسپورت، صناعت، ایکینچیلیک، انرژی و کان صناعتیده اساسي لایحه‌لرنی عملگه آشیریشگه تیار. اونینگ قوشیمچه قیلیشیچه، افغانستانده‌گی سیاسي و خوفسیزلیک ساحه‌سیده‌گی اوزگریشلر روسيه‌لیک سرمایه یاتقیزوچیلرنی افغانستانگه سرمایه کیریتیشگه قیزیقیش آشگن.
اونینگ سوزلریگه کوره، روسيه فدراسیونی افغانستان نینگ شانگهای تشکیلاتیده کوزه‌تووچیلیگی کرسی سیگه قَیتیشینی ایسته‌یدی.
شونینگدېک، روسيه باش وزیری اورین باسری جناب الکسې اویرچوک ماسکو و کابل اورته‌سیده همکارلیکنی آشیریش و مناسبتلرنی رواجلنتیریش اوچون عجایب امکانیتلر موجودلیگی و بو امکانیتلردن فایده‌لنیش ضرورلیگینی تأکیدله‌دی.
ایکّی مملکت اورته‌سیده‌گی سودا-ساتیقنی رواجلنتیریشگه علیحده اورغو بیریش بیلن بیرگه، ماسکو افغانستان نینگ اوشبو مملکتگه صادر قیلینه‌دیگن تاو‌رلریگه باجخانه تعرفه سینی پسه‌یتیره‌دی یاکه بیکار قیله‌دی. او اوز مملکتی افغانستان بیلن ترانسپورت ساحه‌سیده همکارلیک کیلیشووینی امضالشگه تیارلیگینی و تیز آره‌ده افغانستان و روسيه نینگ قوشمه بیزنس-فارومی آچیلیشینی پیشنهاد قیلدی.
روسیه باش وزیری اورین باسری ایکّی مملکت اورته‌سیده‌گی همکارلیکنی کینگه‌یتیریش و اساسي لایحه‌لرنی باشلش اوچون تخنیکي ایشچی کمیته توزیشنی پیشنهاد قیلدی.
ریاست الوزراء سیاسی اورین باسری حرمتلی مولوی عبدالکبیر هیاتنی خوش کیلیب سیزلر دیب، اولر نینگ کابلگه کیلیشی ایکّی مملکت اورته‌سیده‌گی ایجابي مناسبتلردن دلالت بیریشینی ایتدی.
او روسيه نینگ ایجابي موقفیو افغانستاننی خلق ارا فاروملرده قوللب-قوّتله‌یاتگنینی یوقاری بهاله‌دی همده افغانستان روسيه بیلن تورلی ساحه‌لرده علاقه و همکارلیکنی کینگه‌یتیریشدن منفعتدار ایکنینی تاکیدله‌دی.
ریاست الوزراء سیاسي اورین باسری اسلام امیرلیگی اوز ملي منفعتلری همده اوز مملکتی نینگ خوفسیزلیگی، برقرارلیگی و اقتصادي رواجلنیشینی منطقه خوفسیزلیگی، برقرارلیگی و فراوانلیگی بیلن باغلیق دیب بیلیشینی ایتدی.
اونینگ قوشیمچه قیلیشیچه، اسلام امیرلیگی افغانستان توپراغیدن هیچ کیمگه قرشی فایده‌لنیشگه رخصت بیرمه‌یدی. اونینگ ایتیشیچه، اسلام امیرلیگی مسوولیتلی تیزیم صفتیده منطقوي فورمتلرده مضمونلی اشتراک ایتیشنی و منطقه دولتلری بیلن یقین همکارلیک قیلیشنی خواهله‌یدی.
حرمتلی مولوی عبدالکبیرنینگ سوزلریگه کوره، اسلام امیرلیگی حاکمیتیدن سونگ افغانستان بویلب خوفسیزلیک تامینلنگن، داعش یوق ایتیلگن، زوروانلیک، غصب، جنایت و مخدر ماده یوق ایتیلگن.
اونینگ قوشیمچه قیلیشیچه، اسلام امیرلیگی هیچ بیر مملکت ده اوروش بولیشینی ایسته‌مه‌یدی، بیراق منطقه ترقیاتی و برقرارلیگی اوچون بیر-بیریمیز بیلن همکارلیک قیلیش و قره‌مه-قرشیلیک اورنیگه ملاقات آرقه‌لی کیلیشووگه ایریشیشیمیز کیره‌ک.
ریاست الوزراء سیاسی اورین باسری اسلام امیرلیگی برچه اولکه لر بیلن اقتصادي همکارلیکنی رواجلنتیریش و منطقوي لایحه‌لرنی عملگه آشیریشنی ایستشینی همده روسيه‌لیک سرمایه یاتقیزوچیلر نینگ افغانستانگه سرمایه کیریتیشیگه اشتیاقی بارلیگینی ایتدی
