افغانستان اسلام امیرلیگی ریاست الوزراء عالی مقامی عمومی دفتری باشلیغی حرمتلی داکتر ملا عبدالواسع بوگون توشدن آلدین توتاخیل قومی نینگ بیر قنچه بویوکلری بیلن اوچرهشیب ملاقات قیلدی.
دستلب توتاخیل قومی نینگ کینگش باشلیغی حرمتلی محمد داوود و بو کینگش اعضالری حرمتلی حاجی عبدالله و حرمتلی خانوخیل باشقه لر نماینده لیگیده گپیریب، پکتیکا ولایتی اینیقسه سید کرم اولسواللیگی قیین چیلیکلرینی اورتهگه قویدیلر.
شونینگدیک اولر اسلام امیرلیگی حاکمیتگه کیلگندن بیری مملکت بویلب خوفسیزلیک تامینلنگنیدن خورسندلیک قیلیب، سید کرم اولسواللیگی نینگ یولی، سوو توغانلری، جامع مسجد، ساغلیقنی سقلش کلینیک، مدرسه و مکتب قوریلشی کبی موضوعلرنی شریک قیلدیلر.
شونینگدیک اولر اسلام امیرلیگی حاکمیت گه کیلگنیدن خوشلیک قیلیب، مملکت بویلب خوفسیزلیک تامینلنگنی مختب اسلام امیرلیگیدن اوز آرقه داشلیکلرینی معلوم قیلدیلر.
مذکور قوم نینگ بویوکلری صحبت قیلگن دن سونگ، ریاست الوزراء عالی مقامی عمومی دفتری باشلیغی حرمتلی داکتر ملا عبدالواسع اولرنی خوش کیلیب سیزلر دیب، ملت بیلن حکومت اورته سیده علاقه نی مستحکملش اسلام امیرلیگی نینگ اساسی مقصدلریدن دیر، شونینگ اوچون هم عالیقدر امیرالمومنین ملا هبت حفظهالله بویروغی اساسیده برچه ولایتلرگه هیات یوباریگن تاک خلق نینگ قیین چیلیک و پشنهادلرینی یقیندن اورگنسه لر.
حرمتلی داکتر ملا عبدالواسع نینگ ایتیشیچه، عین حالده، قوشنی مملکتلردن کیله دیگن افغان مهاجرلر قیینچیلیکلریگه ییتیش مقصدیده اسلام امیرلیگی تامانیدن عالی کمیسیون ایجاد بولگن دیب تیلگه آلدی.
ریاست الوزراء عالی مقامی دفتری نینگ رییسی اوزی نینگ صحبتلری اداغیده توتاخیل قومی نینگ بویوکلری همده آقسقاللریگه قیین چلیکلر حل بولیشی و پشنهادلری تیگیشلی ادارهلر مسووللری بیلن شریک قیلینیشی حقیده ایشانچ بیردی.
