ریاستالوزرا اداری اورینباسری حرمتلی مولوی عبدالسلام حنفی اوتگن کونی بیرهیئت باشچیلیگیده ننگرهار ولایتیگه سفر قیلدی.
شهر قوریش و اوی_جای وزیری حرمتلی مولوی نجیب الله حیات حقانی، ننگرهار ولایت حاکمی حرمتلی مولوی محمد نعیم آخوند و بیر قطار امارت مسووللری یولداشلیگیده بولگن اوشبو سفر جریانیده، بو ولایت محلی ادارهلری و اولرنینگ فعالیتلرینی یقیندن کوریب مراجعه قیلووچیلرگه یخشی خدمت کورسهتیش همده ایشلری تیزلیک بیلن آلغه باریشی اوچون تأکید قیلدی.
مولوی عبدالسلام حنفی جنابلرینینگ قوشیمچه قیلیشیچه، خوفسیزلیکنی تأمینلش خلققه یخشی معامله بیلن وقتیده خدمتلر کورسهتیش امارت ادارهلرینینگ اساسی مسوولیتلریدن دیر، برچه مسووللر خلققه خدمت کورسهتیش یولیده سعی_حرکت قیلیشلری کیرهک.
شونینگدیک ریاستالوزرا اداری اورینباسری مملکت شرقیده مهاجرلر احوالی همده دایمی تورر جایلرینی قوریش جریانینی یقیندن تیکشیریب، بولیب تورگن ایشلرنی بهالهدیلر. حرمتلی حنفی جنابلری، کیرهکلی قولیلیک جملهدن ایچیملیک سوو همده ننگرهار، کنر و نورستان ولایتلری مهاجرلری اوچون یشش جای قوریش ییرلر توزیع بولیش جریانلرینی تیزلهتیش همده اولرنی احتیاجلرینی یخشیلب تأمینلش اوچون تأکیدلهدی.
اداغده ریاست الوزراء اداری اورین باسری عامه منفعتلر، قیشلاقلرنی رواجلنتیریش، اوی - جای و شهر قوریش وزیرلیکلری همده تیگیشلی ادارهلرگه ایری - ایری شکلده ترقهتیلهدیگن نمرهلر خط کشلیگی، سوو قودوق قازیش و کوچهلرنی چیقاریش اوچون کیرهکلی بویروقلرنی بیردی.#
