افغانستان اسلام امیرلیگی ریاست الوزراء مقامی عمومی دفتری نینگ باشلیغی حرمتلی داکتر ملا عبدالواسع بوگون ایرتلب ارگ جامع مسجدی معلوماتی لوحه‌سینی آسیش مراسمیده اشتراک قیلیب گپیردی.
دستلب الله تعالی کلامیدن بیر نیچه آیت تلاوت قیلیندی و کیین ریاست الوزراء مقامی عمومی دفتری ریاستی نینگ ارتباطات عامه استراتیژیک معاونی قاری عبدالستار سعید ارگ و اونینگ قصرلری تاریخی حقیده صحبت قیلدی و ارگ جامع مسجدی و قصرلری اوچون معلومات و لوحه‌لرنی ترتیبلب تیار قیلگنلرگه منتدارچیلیک اظهار قیلدی.
اونینگ قوشیمچه قیلیشیچه، ارگ مملکت نینگ مهم تاریخی آبده لریدن سنه له دی و سیاسی قره شدن ارزشمند دیر شونینگ اوچون اونینگ سقلب و حفاظت قیلیشده هر دایم اعتبار قر‌ه‌تیلیشی ضرور دیر.
کیینچه‌لیک ریاست الوزراء مقامی عمومی دفتری باشلیغی داکتر ملا عبدالواسع اوزی نینگ صحبتلریده ارگ جامع مسجدی و قصرلری اوچون معلوماتی لوحه لرنی تیارلب، ترتیب و اونه‌تیش ایزگو بیر آدیم دیر و مذکور معلوماتلر ارگ جامع مسجدی و باشقه تاریخی قصرلر و مکانلرنی کوروچیلر اوچون فایده لی و ارزشمند دیدی.
او، ارگ جامع مسجدی همده قصرلر توغریسیده معلومات ییغیب لوحه‌لرنی ترتیب بیرگنی اوچون میناتورلیک و فرهنگی ریاست ابتکاریدن تشکرلیک قیلیب ایتیشیچه، بو تاریخي جایلرنی ینه‌ده یخشیراق تنیشتیریش اوچون ارگ نینگ برچه قصرلریگه منتظم روشده معلومات تخته‌لرینی اورنه‌تیشیمیزگه الله تعالی بیزگه توفیق نصیب ایتسین، دېدی.
مراسم سونگیده، مذکور مسجدنینگ معلوماتی لوحه‌سی ریاست الوزراء مقامی عمومی دفتری باشلیغی داکتر ملا عبدالواسع آرقلی باشقه تیگیشلی مسووللر حضوریده اورنه‌تیلدی و مراسم مفتی محمود ذاکری‌نینگ دعاسی بیلن توگه‌دی.#
