افغانستان اسلام امیرلیگی ریاست الوزراء سیاسی اورین باسری حرمتلی مولوی عبدالکبیر بوگون توشدن آلدین سپیدار قصریده پکتیا ولایتی نینگ بیر قنچه قوم بویوکلری بیلن اوچره شدی.
بو اوچرهشووده پکتیا ولایتی نینگ بویوکلری و آقسقاللری، قوم بویوکلریگه وقت اجرتگنی اوچون ریاست الوزراء سیاسی اورین باسریگه منتدارچیلیک قیلیب، خلق قیینچیلیکلرینی ایشیتیش اوچون دروازه همه نینگ یوزیگه آچیق دیدیلر.
اسلام امیرلیگی کیلگن دن بیری قوم قیینچیلیکلرینی ایشیتیش یولی تیگیس بولگن و بو توغریده سیاسی اورین باسرلیک سعی وحرکت ایجابی بهالهدیلر. ایسله تیلگن قوم بویوکلری پکتیا ولایتی خلقی نینگ ایریم بولیملرده گی قیین چیلیکلرینی ریاست الوزراء سیاسی اورین باسری بیلن اورته گه قویدیلر.
کیینچه لیک ریاست الوزراء سیاسی اورین باسری حرمتلی مولوی عبدالکبیر ایسله تیلگن قوم بویوکلری همده نفوذلی کیشیلرگه تشکرلیک قیلیب ایتیشیچه اسلامی نظام کیلیشی اوچون بویوک پکتیا خلقی قربانلیک بیردیلر و کتته قیینچیلیکلرنی اوتکزدیلر.
او نینگ کیلگن بویوکلرگه خطاب قیلیب ایتیشیچه سیاسی اورین باسرلیک بوتون قوملرگه تیگیشلی و کیچه و کوندوز بو مقصد اوچون سعی وحرکت قیله دی.
افغانستان اسلام امیرلیگی ریاست الوزراء سیاسی اورین باسری اوزی نینگ صحبتلری اداغیده تاکیدله شیچه، تیگیشلی اداره لر آرقه لی پکتیا ولایتی خلقی قیینچیلیکلرینی حل ایتیش اوچون اولگوریلهدی دیدی.
