افغانستان اسلام امیرلیگی ریاست الوزراء عالی مقامی عمومی دفتری باشلیغی حرمتلی داکتر ملا عبدالواسع بوگون توشدن آلدین کابل ولایتی خاکجبار اولسواللیگی نینگ بیر قنچه عالملری همده قوم بویوکلری بیلن کوریشدی.
ارگ ده بولیب اوتگن بو اوچره شووده، دستلب حرمتلی مولوی عبدالهادی، حرمتلی غلام دستگیر و حرمتلی شفیع الله باشقه لر نماینده لیگیده صحبت قیلیب اسلام امیرلیگی کیلگندن بیری بوتون مملکت ده اسلامی نظام برقرار بولگنی و امنیت تامینلنگنیدن خورسندلیک قیلیب ایتیشلریچه، خاکجبار کابل نینگ باشقه اولسواللیکلریگه قره گنده آرتگه قالگن و اهالی ایریم بولیملرده تورلی قیینچیلیکلر بیلن یوزمه یوزلر.
شونینگدیک مذکور عالملر همده قوم بویوکلری اوشبو اولسواللیک ده زمانوی شفاخانه‌لر، قتناو یوللر و سوو بندلری قوریلیشیدن علاوه، راجله نیش پروژه تطبیق بولیشی، تعلیم و تربیه، ایکینچلیک و برق بولیمیده گی قیینچیلیکلری و پیشنهادلرینی یازمه شکلده ریاست الوزراء عالی مقای عمومی باشلیغیگه شریک قیلیب بو خصوصده اسلام امیرلیگی مسووللرینی خاص توجه قیلیشینی ایسته دیلر.
کیینچه لیک ریاست الوزراء‌عالی مقامی عمومی دفتری باشلیغی حرمتلی داکتر ملا عبدالواسع مذکور عالملری همده قوم بویوکلرینی خوش کیلیب سیزلر دیب، اولر قیینچیلک، مصلحت و پیشنهادلرینی شریک قیلگنیدن منتدارچیلیک قیلیب، اشغال پیتیده اوشبو اولسواللیک خلقی قربانلیگی و خذمتلرینی آلقیشلب ایتیشیچه، اسلام امیرلیگی مسووللری دروازه سی خلق یوزیگه آچیق دیر و هر بیر وقت اوز قیینچیلیک و پیشنهادلرینی شریک قیله آله دیلر.
ریاست الوزراء عالی مقامی عمومی دفتری باشلیغی نینگ کوپه یتیریشیچه، اسلام امیرلیگی اوزی نینگ امکاناتی محدوده سیده برچه وطنداشلرنینگ اولویتیگه توجه قیلگن حالده، اولرنینگ قیینچیلیکلرینب حل قیلیشگه متعهد دیر.
حرمتلی داکتر ملاعبدالواسع اوزی نینگ صحبتی اداغیده مذکور عالمای کرام و قوم بویوکلریگه قیینچیلیکلرینگیز حل بولیشی مقصدیده امارتی اداره لرنینگ تیگیشلی مسووللریگه شریک قیلینه دی دیب اطمینان بیردی.#
