افغانستان اسلام امیرلیگی ریاست الوزراء سیاسی اورین باسری حرمتلی مولوی عبدالکبیر بوگون سپیدار قصریده کابل بیلیم یورتی اجتماعی بیلیملر پوهنځي افغانستاننی تانیتیش ماسترلیک برنامه‌سیده مسووللری و محصللری بیلن اوچره‌شدی.
اوشبو ییغیلیشده اجتماعی بیلیملر پوهنځي باشلیغی پوهنمل حسین احمدزی ریاست الوزراء سیاسی اورین‌باسریگه مذکور پوهنځي حقیده معلومات بیریب، افغانستان نینگ اوزیگه خاصلیگی بوییچه ماسترلیک برنامه‌سی اوشبو پوهنځي ایندی‌گینه باشلنگنینی و بیرینچی دور بیتیرووچی کادرلر جمعیتگه تقدیم بولدی.
اونینگ ایتیشیچه، اوشبو برنامه رسميلری و محصللری اوزلری نینگ علمي ایزلنیشلری و کنفراسلری آرقه‌لی افغانستان نینگ حقیقي منظره‌سینی دنیاگه کورسه‌تیشگه حرکت قیلماقده‌لر. اونینگ قوشیمچه قیلیشیچه، اسلام امیرلیگی بو باره‌ده اولرگه یقینلشیب، قوللب-قوّتلشی کیره‌ک.
کیینراق کابل بیلیم یورتی نینگ اجتماعي پوهنځي اوقیتووچیسی، دوکتور فیض محمد زلاند سوزگه چیقیب، بوگونگی کونده بیلیم یورتی اوقیتووچیلری و محصللری اوزلری نینگ علمي یوتوقلری و معمالری بیلن اوزلری نینگ مسوول متصدیلری بیلن اورتاقلشه‌یاتگنی قووانچلی اورین دیدی. او یاش کادرلرگه افغانستان نینگ سیاسي و.... جهتلریگه سینگیب کیتیش امکانیتینی بیریشنی سوردی.
محصللر ریاست الوزراء سیاسی اورین باسری نینگ فعالیتی و واقعه‌لر رواجینی یوقاری بهالب، اسلام امیرلیگی قیسقه وقت ایچیده کوپ یوتوقلرگه ایریشگنینی قوشیمچه قیلدی.
اولر اسلام امیرلیگیدن افغانستان مدنیتی و تاریخینی سقلب قالیش اوچون تاریخ و مدنیت بوییچه ملي کمیسیون توزیشنی سوره‌گن.
ریاست الوزراء سیاسی اورین‌باسری حرمتلی مولوی عبدالکبیر کبلگن رسميلر و محصللرگه منّتدارچیلیک بیلدیریش برابریده افغانستان دستوری باشلنگنیدن خورسندلیگینی بیلدیریب، اوقیتووچی و رسميلر نینگ بو باره‌ده‌گی سعی-حرکتلرینی یوقاری بهاله‌دی.
ریاست الوزراء سیاسی اورین باسری طلبه‌لرگه اسلام امیرلیگی، منطقه و دنیا حقیده معلومات بیریب، اولر نینگ سواللریگه جواب بیردی.
حرمتلی مولوی عبدالکبیر اوشبو اوچره‌شووگه کیلگن محصللرگه افغانستانده‌گی بوگونگی وضعیت حقیده گپیریب، اوزگریشلر و یوتوقلر حقیده معلومات بیردی.
او سونگی ۲۰ ییللیک جهاد و قربانلیکلرده آدملر، بیلیم یورتلری استدلرب، طلبه‌لر و عالِملر اشتراک ایتگنینی، اسلام امیرلیگی اولرنی جهاد و اسلامي توزومده‌گی شریکلر دبب اته‌گنینی، اسلام تیزیمینی حمایه قیلیش و مستحکملش عمومي فرض ایکنینی قوشیمچه قیلدی.
ریاست الوزراء سیاسی اورین باسری، اسلام امیرلیگی و اسلامی نظامنی مستحکم و کوچه‌یتیریشدن علاوه، سیاسی و اقتصادی میدانده هم حاضرده اسلام امیرلیگی نینگ ایریم مملکتلرده ۴۰ رسمی نماینده‌لیگی بار و دنیا بیلن مثبت تعامل قیلیش جریانی بار دیدی.
محترم مولوی عبدالکبیر اوز نطقیده اسلام امیرلیگی اوز قۉشنیلری و خلق‌ارا دولتلر بیلن یخشی مناسبتده بولیشینی ایستشینی، لیکن او هیچ قچان اسلام تمایللری بوییچه معامله آلیب باریشگه تیار ایمسلیگینی، باشقه‌لر نینگ خوشلیگی اوچون اسلامي مراسملرنی بوزمسلیگینی تأکیدله‌دی.
ریاست الوزراء سیاسي اورین‌باسری اسلام امیرلیگی هیچ کیم نینگ ایچکی ایشیگه اره‌لشمسلیگینی و باشقه هیچ کیم نینگ بیز نینگ ایچکی ایشیمیزگه اره‌لشیشیگه یول قویمسلیگینی ایتدی.#
