افغانستان اسلام امیرلیگی ریاست الوزراء سیاسی اورین باسری حرمتلی مولوی عبدالکبیر بوگون بیرلشگن ملتلر تشیکلاتی کاتبی نینگ سیاسی اورین باسری خانم روزمیری دیکارلو بیلن افغانستان ده بیرلشگن ملتلر تشیکلاتی نینگ خاص نماینده سی روزا اوتنبایوا حضوریده اوچره شیب ملاقات قیلدی.
چیگره، قوم و قبیله لر وزیرلیگی سرپرست وزیری ملا نورالله نوری هم حضوری بولگن بو اوچره شووده، بیرلشگن ملتلر تشکیلاتی کاتبی نینگ سیاسی ایشلر بوییچه اورین باسری خانم روزمیری دیکارلو افغانستانده گی ترقیات همده قولگه کیریتیلگن یوتوقلردن خوش لیک بیلدیریب ایتیشیچه، کوپ مثبت اوزگریش کیلگن دیر.
خانم دیکارلو، سیاسی اورین باسرنینگ خلق بیلن دایمی اوچره شوویدن خوش لیک قیلیب کوپه یتیریشیچه، بیرلشگن ملتلر تشکیلاتی نینگ افغانلرگه بولگن همکارلیگی دواملی ایکنیدن وعده بیردی.
شونینگدیک بیرلشگن ملتلر تشکیلاتی کابی نینگ سیاسی ایشلر بوییچه اورین باسری کیله جک ده دوحه ده اوتکزیله جک ییغین باره سیده ریاست الوزراء سیاسی اورین باسریگه معلومات بیریب، دوحه ییغینده دنیا بانکی قوشیمچه بیر قنچه خلق ارا تشکیلاتلر و مملکت لرنینگ نماینده لری چقیریلگن دیب ایتدی.
عین حالده، او مذکور ییغین ده افغانستان اسلام امیرلیگی قنه شینی سوره ب ایتیشیچه، اشتراک اوچون اسلام امیرلیگی نینگ شرط لری نظرده توتیله دی و امید ایته میز که اسلام امیرلیگی نینگ هیاتی اشتراک قیلیشیگه امید بیلدیردی.
خانم دیکارلو جنابلری نینگ کوپه یتیریشیچه، دوحه ده اوتکزیله جک ییغین افغانستان دنیا علاقه سی رواجله نیشی همده تعامل کوپه یشی و عادی سازلیک اوچون مناسب بیر فرصت دیر.
ریاست الوزراء سیاسی اورین باسری حرمتلی مولوی عبدالکبر بیرلشگن ملتلر تشیکلاتی کاتبی نینگ سیاسی ایشلر بوییچه اورین باسری سفرینی خوش قرشیلب افغانستان اینیقسه سونگگی کونلرده سوو تاشقینلریدن زیان کورگنلرگه کورستگن یاردمیدن تشکرلیک قیلدی.
اونینگ سوزلریگه کوره، اسلام امیرلیگی مملکت نینگ بوتون جغرافیه سیده حاکم دیر، مسووللر خلق بیلن یقین دن تماس ده لر، اهالی قیین چیلیگی حل بولیشی اوچون سعی و حرکت قیلینه دی و اقتصاد کوچه یشی مقصدیده تلاشلر جریانی بار.
اونینگ ایتیشیچه، حاضر بوتون افغانستان بویلیب بیر مرکزی حکومت حاکم دیر، بیر امیری بار و اوندن بوتون اطاعت قیلینه دی. اونینگ قوشیمچه قیلیشیچه، حاضر حکومت ده ۸۵ مینگ عیال بار و عیاللر قوشیمچه مسلکی کادرلرنی استخدام قیلیش جریانی بار.
ریاست الوزراء سیاسی اورین باسری، اسلام امیرلیگی اوزی نینگ اوچ ییللیک حاکمیتیده وعده لریگه عمل قیلگن، داعش ختم بولگن و افغانستان توپراغی هیچ کیم اوچون تهدید ایمس دیر.
اونینگ ایتیشیچه، دوحه نینگ آلدین بولیب اوتگن ییغینی ایریم کمچیلیک لر سبب نتیجه بیرمه یدی، امید ایته میز که کیلگوسی ییغین ده اسلام امیرلیگی نینگ اورنی تن آلینیب و اونینگ هیاتی اشتراک قیلسه.
حرمتلی مولوی عبدالکبیرنینگ تاکیدلب ایتیشیچه، اسلام امیرلیگی دنیا بیلن قیین چیلیک دوام ایتییشینی ایستمه یدی، بلکه دنیا همجمعیتی بیلن تعامل ایسته یدی. اوچره شوو سونگگیده حرمتلی مولوی عبدالکبیر، یوناما نینگ بارلیگیده بیرلشگن ملتلر تشکیلاتی نینگ خاص نماینده سیگه احتیاج یوق دیدی.#
