افغانستان اسلام امیرلیگی ریاست الوزراء سیاسی اورین‌باسری حرمتلی مولوی عبدالکبیر بوگون کابل شهری تورتینچی ناحیه‌سی نینگ بیر قطار آقسقاللری و گذر وکیللری اوچره‌شدی.
اوچره‌شووده آقسقاللر همده گذر وکیللری ریاست الوزراء حرمتلی سیاسي اورین‌باسری نینگ خلق معمالرینی حل ایتیشده‌گی همکارلیگیدن منّتدارلیک بیلدیردیلر.
کابل نینگ تورتینچی ناحیه‌سی وکیللری و بویوکلری شهرده آبادانلشتیریش ایشلری نینگ باشلنیشی و دوام ایتیشینی پایتختیمیز اوچون فایده‌لی دیب اته‌دی و عملگه آشیریله‌یاتگن لایحه‌لرنی قوللب-قوّتلشینی قوشیمچه قیلدی.
اولر اوزلری نینگ ایریم ایستک و پیشنهادلرینی ریاست الوزراء سیاسی اورین باسریگه تقدیم ایتر ایکن، کابل شهردارلیگی کابل اهالیسی نینگ معمالرینی اوز وقتیده حل قیلیش اوچون کوپراق مصلحتلشوولر اوتکزیش امکانیتینی یره‌تیشی کیره‌کلیگینی تأکیدله‌دیلر.
ریاست الوزراء سیاسي اورین باسری مولوی عبدالکبیر کابل شهری نینگ تورتینچی ناحیه‌سی وکیللرینی قوتلب، اهالی نینگ کابل شهری خوفسیزلیگینی تأمینلش و قطار معمالرنی حل ایتیش باره‌سیده‌گی سعی-حرکتلرینی یوقاری بهاله‌دی.
حرمتلی سیاسي اورین باسری اسلام امیرلیگی اوز ایشلرینی خلق نینگ التماس و تکلیفلری اساسیده شریعت اساسیده آلیب باره‌یاتگنینی، ملت عملدارلری نینگ هر بیر معماگه اعتبار قره‌تیشیگه ایشانچ حاصل قیلیشی کیره‌کلیگینی قوشیمچه قیلدی.
حرمتلی مولوی عبدالکبیر اوزی نینگ صحبتلری اداغیده کابل شهری نینگ تورتینچی ناحیه‌سی بویوکلریگه ایستکلریگه جدی اعتبار قره‌تیلیشی حقیده اطمینان بیردی.#
