افغانستان اسلامی امارت ریاست الوزراء نینگ سیاسی ایشلر بوییچه اورین باسری حرمتلی مولوی عبدالکبیر بوگون توشدن کیین اسلامی همکارلیک تشکیلاتی نینگ آزیق آوقت خوفسزلیگی بوییچه باش مسوولی یرلان بادویلت و یولداش هیاتی بیلن اوچره شدی.
قزاقستان نینگ افغانستانده گی ایلچیسی حضوریده سپیدار قصریده بولیب اوتگن بو اوچره تشکیلاتی شووده تشکیلات نینگ افغانستان و اونگه اعضا دولتلرنینگ فعالیتی حقیده ییغیلگنلرگه معلومات بیردی.
جناب یرلان بادویلت افغانستان اسلامی همکارلیک تشکیلاتی نینگ آزیق آوقت خوفسیزلیگی بوییچه هم اعضاسی ایکن لیگی، شونینگ اوچون برچه اعضا دولتشنی لر اوشبو آغیر شرایط ده افغانستان بیلن بیرگه بولیشگه و فوق العاده وضعیتلرگه جواب بیریش همده یاردم بیریشگه صادق ایکنینی ایتدی. او بیزلر یاردمنی آشیریش اوستیده ایشله یمیز دیدی.
افغانستانده گی آزیق آوقت انقراضیگه توختلر ایکن او، قزاقستان افغانستانگه بوغدای وارد قیلیشنی تشکیل و شو آرقه لی افغانستان نینگ آزیق آوقت خوفسیزلیگیگه حصه قوشیش نیتده ایکنینی قوشیمچه قیلدی.
تشکیلات نینگ باش مسوولی افغانستانگه ۶ سوو تازه لش ماشینه سی همکارلیک قیلیشنی هم معلوم قیلدی و دهقانلرگه یاردم بیریشدن تشقری، قیشلاقلرنی تیکلیش و رواجلنتیریش وزیریلیگی توگللمه گن لایحه لر بوییچه ایشلرنی قیته باشلش اوچون هم مبلغ ییغیشنی ریجه لشتیره یتگنینی قوشیمچه قیلدی.
ریاست الوزراء نینگ سیاسی ایشلر بوییچه اورین باسری حرمتلی مولوی عبدالکبیر جنابلری اسلامی همکارلیک تشکیلاتی رئیسی و اعضالرینی افغانستانده آزیق آوقت خوفسیزلیگینی قوتلب، تشکیلاتگه مسلمان دولت و اعضا صفتیده گی سعی و حرکتلری و قزاقستان نینگ انسان پرورلیک یاردمی اوچون منتدارچیلیک بیلدیردی.
حرمتلی مولوی عبدالکبیر اوزی نینگ سوزلری اداغیده ۴۳ ییللیک اوروش افغانستانگه هر تاماندن اوز منفی تاثیرینی اوتکزدی و تشکیلات افغانستان نینگ اقتصادینی اوزینی اوزی تامین لش اوچون مخصوص دستورلرنی عملگه آشیریش و افغانستاننی موجود وضعیت دن آلیب چیقیشگه یاردم بیریشی کیره ک لیگینی قوشیمچه قیلدی.
