افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون توشدن آلدین اداره لرنی ساده لشتیریش پروسه سی عملگه آشیریلیش بوییچه شرطنامه نی امظالش مراسمیده قتنه شیب گپیردی.
دستلب ریاست الوزراء اداری اورین باسری حرمتلی مولوی عبدالسلام حنفی بو مراسم اوتکزیلیشی اوچون اداره امور عمومی ریاستی اینیقسه اصلاحات اداری و خدمات ملکی و پروسه لرنی ساده لشتیریش ریاستیگه منتدارچیلیک بیلدیردی.
ریاست الوزراء اداری اورین باسریگه کوره، اداری ایشلرنی ساده لشتیریش قبول قیلینگن بیر اصل دیر و بوگونکه دنیا اوچون انکار قیلینمه ی دیگن بیر حقیقت، خدمات و اداری ایشلر آسان و تیز بولمه گن حالده، مردم بیلن حکومت اورته سیده گی فاصله لرنی کمیه تیریب بولمه یدی، پالیسی واستراتیژیک آماج لری یخشی طرزده عملگه آشیریلمه گن ده، کوزلنگن اقتصادی رواجله نیشگه ایریشیب بولمه یدی.
اونینگ ایتیشیچه، افغانستان اسلام امیرلیگی اداره لرنینگ اداری ایشلری ساده لشتیریش اهمیتینی اعتبارگه آلگن حالده، بو مساله نی بیر اصل و فایده لی، ثمره لی ضروری بیلیب اوزی نینگ ایش اولویتلریگه قویگن دیر.
حرمتلی مولوی عبدالسلام حنفی، ساده لشتیریش ریاستی هنوزگچه توقیزته وزیرلیک و امارتی اداره نی ساده لشتیرگن و بو ساده لشتیریش عمومی شکلده مردم گه تیز و وقتیده خدمت قیلیش، اداری فساد کمه یشی یا یوق ایتیلیشی، اداره لرده کاغذ بازلیککه پایان بیریش، اداره لر و مراجعین لر خرجتینی توشیریش، خدمات بولیمیده شفافیت نی کوچه یتیریش، اداره لر معیاری اعتبارینی آشیریش، اداره لر هدفینی یخشی عملگه آشیریش، ایشلرنی یخشی باشقریش، اداره لر ثمره دارلیگی و فایده مندلیگینی کوتریش، اداره لرده مراجعین لر گوجوملیگی آلدینی آلیش، اداره لر اجراتی بوییچه مردم رضایتینی کوپه یتیریش و ملت و حکومت اورته سیده فاصله نی قیسقرتیریش اوچون یخشی ثمره لی دیب شوشینه من دیدی.
ریاست الوزراء اداری اورین باسری، کاغذ پررانلیک اوزاق مدتلی بیر پروسه دیر و مراجعین لرگه قیین چیلیک یره ته دی و بو بوتونله ی اورته دن ایلتیلیشی کیره ک و اسنادلر اجراسیگه تولیق ساده لشتیریش کیله دی.
حرمتلی مولوی عبدالسلام حنفی نینگ کوپه یتیریشیچه، ساده لشتیریش پروسه سی برچه اداره لرده عملگه آشیریلگن حالده، هم بیجا تشکیلات نینگ الدی آلینه دی و هم مراجعین لرنینگ مصرفی کمه یه دی. دیمک لازم دیر که اداره لر مسووللری ساده لشتیریش یولیده تلاش قیلیشلری کیره ک تاکه بو عمل تحقیق تاپیب وطنداشلریمیز بونینگ فایده سیدن بهره مند بولسه لر.
ریاست الوزراء اداری اورین باسری، اسلام امیرلیگی ساده لشتیریش خدمتی یانیده آسان خدمت نی کینگه تیریش اوچون تلاش ایته دی و اوتگن ییل ایسه بو اداره نینگ کابل نینگ ایریم نقطه لری و بعضی بیر ولایتلرده فعال قیلدیک و بونینگ آرقلی وطنداشلریمیز تذکره، پاسپورت و باشقه کیره کلی حجتلرینی جوده آسان قولگه کیریته آله دیلر دیب قوشیمچه قیلدی.
او اوزی نینگ صحبتلری اداغیده، اداره لرده الکترونیکی حکومت دارلیکنی رواجلنتیریش اوچون سعی وحرکت قیله میز تاکه اداره لر بو یول بیلن بیر- بیراویگه باغلنسه و مردم گه خدمت قیلیش جریانی ساده و آسان بولسه دیب دیدی.#
