افغانستان اسلام امیرلیگی ریاست الوزراء اقتصادی اورین باسری حرمتلی ملا عبدالغنی برادر آخند بوگون روسیه فدراسیونی ملی خوفسیزلیک کینگشی باش کاتبی سرگی شویگو باشچیلیگ قیلگن هیات بیلن ارگ نینگ چهار چنار قصریده اوچره شدی.
اوشبو اوچره شووده افغانستان صنعت و تجارت وزیرلیگی سرپرستی نور الدین عزیزی، اقتصاد وزیرلیگی سرپرستی قاری دین محمد حنیف، روسیه فدراسیونی باش وزیری نینگ اورین باسری، افغانستان اوچون روسیه نینگ خاص نماینده سی ضمیر کابلوف و هر ایکی مملکت نینگ بیر قنچه مسووللری حضورلری بار ایدی.
اوچره شووده سیاسی علاقه لر، اقتصادی همکارلیک، تجارت، ترانزیت سطحی آشگنی و شونینگدیک افغانستان ده روسیه لیک سرمایه یاتقیزووچیلر سرمایه کیرتیشی باره سیده صحبت قیلیندی.
ریاست الوزراء اقتصادی اورین باسری نینگ اسلام امیرلیگی نینگ تشقی سیاستی اقتصادگه یونلتیریلگنی حقیده اشاره قیلیب ایتیشیچه، افغانستان ده امنیت و برقرارلیک تامینله نیشی بیلن بو مملکت منطقه نینگ اقتصادی همکارلیک، تجارت و ترانزیت مرکزیلگه ایلنگن بو فقط افغانستان اوچون ایمس، بلکه منطقه فایده‌سیگه دیر.
حرمتلی ملا عبدالغنی برادر آخند نینگ قوشیمچه قیلیشیچه، اسلام امیرلیگی مملکت خوفسیزلیگی همده اقتصادی کینگه شی اوچون تلاش قیله دی شونینگ اوچون هم مملکت ده مخدر ماده ایکیش نی بند قیلگن افغانستان و منطقه خوفسیزلیگی و اقتصادیگه زیان ییتکزه دیگن برچه گروه لرنی یوق ایتگن.
ملا عبدالغنی برادر آخند نینگ ایتیشیچه، افغانستان شِمال-جَنوب اقتصادي دهلیزینی مستحکملشده ثمره‌لی رول اوین‌شگه تیار و شو آرقه‌لی منطقه‌ده اقتصادي علاقه‌لرنی عملگه آشیریش و معمالردن خلاص بولیشنی ایسته‌یدی. محترم ملا صاحب: «افغانستان نینگ منطقه و اوزاق مملکتلرگه صادراتی اوچون امکانیت یره‌تیشگه حرکت قیلماقده‌میز و بو باره‌ده روسيه‌دن همکارلیک سوره‌یمیز»، دیدی.
ریاست الوزراء اقتصادی اورین باسری نینگ سوزلریگه کوره، ایکّی دولت اورته‌سیده‌گی رسمي مناسبتلر درجه‌سی نینگ آشیشی اقتصادي ساحه‌ده عملي ایشلنمه‌لر اوچون بې‌حساب امکانیتلر یره‌ته‌دی، افغانستان اسلام امیرلیگی ایسه منطقه ده مسوول اقتصادی شریک صفتیده مثبت رول اوینه‌یدی.
روسيه فدراسیونی ملي خوفسیزلیک کینگشی باش کاتبی سرگې شویگو اوز نطقی چاغیده افغانستانده‌گی سیاسي، اقتصادي و خوفسیزلیک ساحه‌سیده‌گی اوزگریشلرگه اشاره قیلر ایکن، اونینگ بو سفری روسيه جمهور رییسی بویروغی بیلن عملگه آشیریلگنینی، روسيه و افغانستان ایکّی تامانله‌مه مناسبتلرده‌گی همکارلیک درجه‌سینی آشیریش ایسته‌گیده و شو مقصدده ایکّی دولت اورته‌سیده‌گی سیاسي و اقتصادي علاقه‌لرنی رواجلنتیریش اوچون تیز آره‌ده اسلام امیرلیگی نامینی روسيه نینگ قاره رویخطیدن آلیب تشله نیشنی تیلگه آلدی.
روسيه هیاتی افغان – ترانس لایحه‌سینی قوللب-قوّتلشینی بیلدیردی و روسيه سنت-پیتېرزبورگ اقتصادي فارومی دوامیده افغانستان بیلن عملي اقتصادي همکارلیکنی یولگه قوییشگه تیارلیگینی، شونینگدېک، روسيه‌لیک سرمایه یاتقیزوچیلری دولت کمپنیلری افغانستان ده کانلرنی قازیب چیقاریش، ترانسپورت و ایکینچیلیک بولیمیگه سرمایه کیریتیش گه تیارلر دیدی.
اوچره‌شوو یکونیده هر ایکّی تامان سودا، ترانزیت و سرمایه‌وي ساحه‌لرده کینگ کولملی همکارلیکنی یولگه قوییش مقصدیده قوشمه حکومت کمیسیون توزیش، اونینگ قاشیده تورلی ساحه‌لرده‌گی باشقه کمیته‌لر هم فعالیت یوریتیش ضرورلیگینی تاکیدله‌دی.#
