افغانستان اسلام امیرلیگی ریاست الوزرا نینگ اداری اورین باسری حرمتلی مولوی عبدالسلام حنفی تیناون سمنگان ولایتیگه بولگن سفری بیلن، سمنگان ولایت والیسی حرمتلی محمد شعیب رسالت وبیر عده دین عالملری مشایخ کرام وبو ولایت مسوللری بیلن اوچره شدی.
دستلب سمنگان ولایت حاکمی، بو ولایت مسئوللرینیگ ایش و فعالیتلری حقیده صحبت قیلگندن کیین، بو ولایت خلقینینگ تینچلیکی اوچون مجاهدلر و مسئوللرنینگ خدمت کورسهتیشلری و دواملی حرکتلرینی تیلگه آلدی.
شونینگدیک دین عالملری و مشایخ کرام، سمنگان اهالیسینیگ قتنوو یوللرینی قوریش، اوزاق منطقهلرده مدرسهلر، مکتبلر و صحی کلینیکلر یرهتیش همده باشقه انکشافی لایحه لرنی تطبیق ایتیش و بومساله لر ده باغلیق قیینچیلیک و ایستکلرینی بیان قیلیب، مذکور زمینه لرده افغانستان اسلام امیرلیگی مسئوللرینیگ جدی توجه قیلیش لرینی سوره دیلر.
سونگره، ریاست الوزرا اداری اورین باسری حرمتلی مولوی عبدالسلام حنفی بو اوچره شوودن خرسند لیکینی اظهار ایتیب، سمنگان ولایت مسوللری نینگ فعالیتلری، ایشلری و یوتوقلرینی تقدیرلهدی.
حرمتلی حنفی جنابلری، اسلامی تیزیمنی مستحکملش، یخشی حکومتدارلیک و اولکهداشلرگه کوزلنگن خدمتلرنی کورسهتیش، مجاهدلر و مسئوللرنینگ سعی و حرکتلریگه باغلیق ایکنلیگینی ایتیب، آلدیندن هم کوپراق حرکت قیلشلری کیرهک لیگینی تأکیدلهدی.
ریاست الوزرا اداری اورین باسری، شونینگدیک اولرنینگ ایستکلری حقیده، افغانستان اسلام امیرلیگی اوز امکانیتلریگه کوره کیرهک لی چاره-تدبیرلرنی عملگه آشیریشینی ایتدی.#
