افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون توشدن سونگ بلخ ولایتی چمتال اولسواللیگی نینگ بیر قنچه دین عالملری همده مجاهدلری بیلن اوچره شیب ملاقات قیلدی.
اوچره شووده بیرینچیدن حرمتلی مولوی سید احمد شعیب باشقه لر نماینده لیگیده صحبت قیلیب مذکور اولسواللیک نینگ اجتماعی، اقتصادی، امنیتی و مجاهدلری وضعیتی باره سیده ریاست الوزراء اداری اورین باسرلیگی مقامیگه معلومات بیردی.
حرمتلی مولوی سید احمد شعیب نینگ ایتیشیچه، اوشبو اولسواللیکده گی مجاهدلر خارجی لرنینگ اشغال زمانیده گی جهاد دوریده اسلام امیرلیگی نینگ باشقه مجاهدلری بیلن بیرگه لیک ده کوپ فداکارلیک قیلیب قربانلیک بیردیلر و حاضرگی کونده اسلامی نظامگه خدمت قیلیشگه تیارلر و اسلام امیرلیگی بویوکلری بویروغیدن اطاعت قیله دیلر.
شونینگدیک اولر اسلام امیرلیگی نینگ مسووللریدن تعلیم و تربیه، ترقیات ایشلر، مسجدلر قوریلیشی و بو اولسواللیک ده گی مجاهدلر وضعیتیگه توجه قیلیشلرینی سوره دی.
کیینچه لیک ریاست الوزراء اداری اورین باسری حرمتلی مولوی عبدالسلام حنفی بلخ ولایتی چمتال اولسواللیگی نینگ دین عالملری و مجاهدلری بیلن اوچره شگنیدن خورسندلیک قیلیب ایتیشیچه، آزادلیک و مستقللیک نی، اولرنینگ قربانلیگی وفدارکارلیگی نینگ ثمره‌سی دیدی.
ریاست الوزراء اداری اداری اورین باسری، اشغالچیلرنینگ چیقاریلیشی واسلام امیرلیگی نینگ حاکمیتگه کیلیشی مینگلب دین عالملری، مجاهدلر همده افغانستان مردمی قانی نینگ نتیجه سی دیر و بو برچه یوتوقلر دایمی سقله نیشی کیره ک دیر دیب تیلگه آلدی.
شونینگدیک حرمتلی مولوی عبدالسلام حنفی جنابلری اوچره شگنلر تامانیدن تیلگه آلینگن موضوعلر باره سیده اسلام امیرلیگی اوزی نینگ موجود امکانیتی بیلن تیلگه آلینگن موردلرگه اعتبار قره‌ته‌دی دیدی.#
