افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون توشدن سونگ ننگرهار محمدیه جامع مدرسه‌سی مهتممی حرمتلی شیخ ریاض الله بیلن اوچره‌شدی.
اوچره‌شووده بیرینچیدن حرمتلی شیخ ریاض الله ننگرهار ولایتی نینگ اجتماعی، فرهنگی و مدرسه‌لری حقیده ریاست الوزراء اداری اورین باسریگه معلومات بیردی.
اسلام امیرلیگی مسووللری زحمت و تلاشلریدن قدردانلیک قیلگن محمدیه مدرسه‌سی مهتممی امنیت تامینله نیشی باره‌سیده ایتیشیچه، بوگون قووانچ اورنی دیر که مدرسه طلبه‌لری و مکتبلر شاگردلری بیر وقت ده دینی و عصری بیلیم نی اوزگنه‌دیلر.
حرمتلی شیخ ریاض الله اسلام امیرلیگی نینگ مسووللریدن مملکت بویلب مدرسه‌لر همده مکتبلر کینگه‌یتیریلیشی اوچون خاص توجه قیلیشلرینی سوره‌دی.
ریاست الوزراء اداری اورین باسری حرمتلی مولوی عبدالسلام حنفی ننگرهار محمدیه مدرسه‌سی مهتممی بیلن اوچره‌شوودن خرسندلیک قیلیب، امنیت‌نی تامینلش، ایریم زمینه‌لرده وطنداشلرگه خدمت قیلیش و اولرگه آسایش یره‌تیش اسلام امیرلیگی وظیفه‌لریدن و مسووللر بو توغریده هیچ قندی سعی و حرکت نی دریغ ایتمه‌یدیلر دیدی.
حرمتلی مولوی عبدالسلام حنفی محمدیه مدرسه‌سی مهتممی تامانیدن تیلگه آلینگن موضوعلرگه حقیده ایتیشیچه، اسلام امیرلیگی اوزی نینگ موجود امکانیتی بیلن مدرسه‌لر و مکتبلر صفت و سان جهتدن کینگه‌یشی توغریسیده کوشش و تلاش ایته‌دی.#
