افغانستان اسلام امیرلیگی ریاست الوزراء مقامی عمومی دفتری باشلیغی حرمتلی داکتر ملا عبدالواسع بوگون توشدن آلدین افغانستان ناشنوالر بیرلشمه‌سی باشلیغی حرمتلی سمیع‌الرحمن و بیرلشه‌نینگ ولایتی مسووللری بیلن کوریشدی.
بیرینیچیدن ریاست الوزراء مقامی عمومی دفتری نینگ سیاسی و مردمی ایشلر بوییچه باشلیغی حرمتلی مولوی گلزار احمد حقانی اولرنی خوش کیلیب سیزلر دیب کوپه‌یتیریشیچه، بوگون جامعه نینگ یوقاری همتی بولگن مهم بیر قشری بیلن بیلن کوریشه یاتگنیمزدن خوش میز، سیزلرنینگ ایستک، نظر و مصلحتلرنی بیزلرگه قدرلی دیر.
کیین افغانستان ناشنوالر بیرلشمه‌سی استادلری جمیل الرحمن ندیم و سمیع الله مفتون باشقه‌لر نماینده‌لیگیده گپیریب، مملکت بویلب بیش مینگ ناشنوالر بار هماهنگ لیک مقصدیده ۳۵۰ رسمی نماینده‌میز بار و هر بیر ولایتده بیر اویوشمه بار دیدیلر.
شونینگدیک اولر مرکز و ولایتلرده بولرگه مناسب دفترلر، مالی و ترانسپورتی امکانیت بولمه‌گنیدن علاوه، تحصیلات و تخنیکی بولیمیده افغانستان ناشنوالری قیینچیلیگی و پیشنهادینی ریاست الوزراء مقامی عمومی دفتری باشلیغیگه شریک قیلدیلر.
سونگ افغانستان اسلام امیرلیگی ریاست الوزراء مقامی عمومی دفتری نینگ باشلیغی حرمتلی داکتر ملا عبدالواسع افغانستان ناشنوالر بیرلشمه‌سی باشلیغی همده ولایتی مسوللرینی خوش کیلیب سیزلر دیب، اسلام امیرلیگی نینگ رهبریتی و مسووللری هر دایم مملکت نینگ مظلوم خلقی منفعتلرینی اوستون کوره‌دیلر و اولرنینگ قیینچیلیگی ییچیلیشی مقصدیده کیچه و کوندوز هاریمسدن تلاش قیله‌دیلر دیدی.
حرمتلی داکتر ملا عبدالواسع نینگ قوشیمچه قیلیشیچه، ریاست الوزراء مقامی عمومی دفتری آنده - سنده مردم نینگ تورلی قتلمی بیلن اوچره‌شه‌دی، اولرنینگ قیینچلیکلری همده فکرلرینی ایشیته‌دی و اونینگ حلی اوچون تیگیشلی اداره‌لرگه تاپشیره‌دی. سیزلرنینگ هم ایستک و پیشنهادلرینگیز تیگیشلی اداره‌لرگه تاپشیریله‌دی و امکانیت نظرده توتیلگن حالده اولرگه اعتبار قره‌تیله‌دی دیدی.#
