افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون جوزجان ولایتی درزاب و قوش تیپه اولسواللیگی نینگ بیر قنچه بویوکلری و دین عالملری بیلن اوچره شدی.
ساغلیقنی سقلش وزیرلیگی نینگ سرپرستی حرمتلی مولوی نورجلال جلالی حضوریده بولیب اوتگن بو اوچره شووده دستلب اوشبو آقسقاللر درزاب همده قوش تیپه اولسواللیکلری نینگ ساغلیقنی سقلش مرکزلری توغریسیده ریاست الوزراء اداری اورین باسری و ساغلیقنی سقلش وزیرلیگی نینگ سرپرستیگه معلومات بیردیلر.
مذکور شخصلرنینگ سوزلریگه کوره، اوشبو اولسواللیکلرده ساغلیقنی سقلش مرکزلری موجودلیگی همده صحی خذمتلر کورستیشیگه قره مه ی، لیکن بو مرکزلر اوشبو اولسواللیکلر اهالیسی نینگ بو خصوصده گی معمالرینی برطرف ایته آلمه یدی دیب، اسلام امیرلیگی نینگ مسووللریدن یوقاریده ایسله تیلگن اولسوالیکلرده ساغلیقنی سقلش مرکزلری قوریلیشی اوچون خاص توجه قیلیشلرینی سوره دیلر.
ریاست الوزراء اداری اورین باسری حرمتلی مولوی عبدالسلام حنفی جنابلری درزاب و قوش تیپه اولسواللیگی دین عالملری همده آقسقاللری بیلن اوچرشگنیدن خورسندلیک قیلیب ایتیشیچه، امنیت تامین ایتیلیشی و تورلی بولیملر جمله دن ساغلیقینی سلقش بولیمیده اهالیگه خذمت کورسه تیش اسلام امیرلیگی نینگ وظیفه لریدن حسابلنه دی و مسووللر توغریده هیچ قنده ی سعی و حرکت نی دریغ ایتمه یدیلر.
شونینگدیک حرمتلی مولوی عبدالسلام حنفی، اولرنینگ پیشنهادی توغریسیده اسلام امیرلیگی اوزی نینگ موجود امکانیتی بیلن تیلگه آلینگن موردلرگه اعتبار قره تی دیب تیلگه آلدی.#
