افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون توشدن آلدین تخنیکی و مسلکی تعلیمات اداره سی نینگ ملی ابتکارات و نوآورلیک ایکینچی کورگزمه سی نینگ یکونی برنامه سیده اشتراک قیلیب نطق سوزله دی.
اوشبو مراسم ده کابینه نینگ بیر قنچه اعضالری، اسلام امیرلیگی نینگ بلند مرتبه لی رسمیلری، استادلر همده تخنیکی و مسلکی تعلیمات اداره سی نینگ مسووللری حضور تاپگن ایدیلر.
ریاست اولوزراء اداری اورین باسری اوزی نینگ سوزلریده بیرینچیدن اوشبو ییریک کورگزمه نی یولگه قویگنی اوچون تخنیکی و مسلکی تعلیمات اداره سی مسووللریگه اوز منتدارچیلیگینی بیلدیریب ایتیشیچه، خرسندلیک اورنی دیر که اسلام امیرلیگی باشقه فعالیتلری یانیده مسلکی و تخنیکی بولیملرده مهم یوتوقلری بار و بو یوتوقلری ایسه اوشبو اداره استادلری همده مسووللری نینگ بی دریغ سعی و حرکتلری نینگ نتیجه دیر.
حرمتلی مولوی عبدالسلام حنفی تخنیکی و مسلکی تعلیمات اداره سی آرقلی جاری ییلده ۲۰۱ ته پروژه نینگ یولگه تشله نیشی و بونده کوپینچه یاشلر ایکینچیلیک، تخنیک و باشقه بولیملرده یوتوقلرگه ایریشگنلرنی مهم بیر آدیم دیب و اولرنی کوپراق ابتکاراتلری اوچون تشویق ایتدی.
ریاست الوزراء اداری اورین باسری اوزی نینگ سوزلری اداغیده یاشلرنینگ آره سیده آلدین دن کوره کوپراق سالم رقابت کیلیشیگه امید بیلدیردی و اولرنینگ هر بیری اوز ابتکاراتلری بیلن کوپراق افتخار کسب قیلیشلریگه اونده دی.
ایتیش کیره ک که تخنیکی و مسلیکی تعلیمات اداره تورلی بولیملریده ۹۰ مینگ محصل و کار آموزی بار، بولر ۷۳ رشته ده اوقیدیلر اولرگه تورلی حرفه و مسلکلر بوییچه تعلیم بیریله دی.
شونینگدیک تخنیکی و مسلکی تعلمیات اداره سی ایش، حرفه و مسلک دن محروم قالگن یاشلر قوشیمچه ناشنوا و نابینالر اوچون هم تورلی بولیملرده مسلکی اوقیشلرنی یره تگن تاکه اولر بو حرفه آرقلی معاش قولگه کیریتیب اولکه ترقیاتی و آبادانلیگی اوچون اوز سهم لرینی بجرسه لر.#
