افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون کیچ قرون تورکیه لیک بیر قنچه تجارلر همده سرمایه یاتقیزوچیلر بیلن اوچره شیب ملاقات قیلدی.
بو اولتیریش ده بیرینچیدن اوشبو تجارلر افغانستانده سرمایه یاتقیزیش و تجارت اوچون یخشی زمینه یره تیلگنی و اسلام امیرلیگی آرقلی چیت ایللیک تجارلر همده سرمایه یاتقیزوچیلرگه لازم آسانلیک یره تیلگنیدن خرسندلیک بیلدیردیلر.
اولرنینگ سوزلریگه کوره، افغانستان اسلام امیرلیگی نینگ اقتصادی زمینه کینگه یتیریلیشی، تاجرلر همده سرمایه یاتقیزوچیلردن حمایت قیلیشی، چیت ایللیک تاجرلر همده سرمایه یاتقیزوچیلرنینگ افغانستانگه سرمایه کیریتیشلریگه سبب بولگن.
شونینگدیک اوچره شگنلر افغانستان ده ایریم بولیملر جمله دن کانلرنی قازیب چیقاریش و آستقورمه بولیمده سرمایه یاتقیزیش دن خبر بیریب، اسلام امیرلیگیدن بو خصوصده هر تامانلمه همکارلیک قیلیشنی سوره دیلر.
کیینچه لیک اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی تورکیه لیک تاجرلر همده سرمایه یاتقیزوچیلرنی خوش کیلیب سیزلر دیب، اولرنینگ افغانستانده سرمایه یاتقیزیش خصوصیده بولگن ایزگو فکر و نظرلریدن قدردانلیک قیلدی.
ریاست الوزراء اداری اورین باسری نینگ ایتیشیچه، اسلام امیرلیگی افغانستان ایچکریسیده یاتقیزیله دیگن برچه سرمایه لرنی خوش قرشلیب، برچه تاجرلر همده سرمایه یاتقیزوچیلرگه لازم بولگن آسانلیک لرنی یره تیب بیره دی دیب، تورکیه و باشقه مملکت لرنینگ تاجرلری ینه سرمایه یاتقیزوچیلریدن افغانستانده تورلی بولیملرگه سرمایه کیریتیشلرینی طلب قیلدی.#
