افغانستان اسلام امیرلیگی ریاست الوزراء عالی مقامی عمومی دفتری باشلیغی حرمتلی داکتر ملا عبدالواسع بوگون توشدن آلدین کابل ولایتی بگرامی اولسواللیگی نینگ بیر قنچه قوم بویوکلری همده آقسقاللری بیلن اوچره شدی.
بو اوچره شووده بیرینچی ریاست الوزراء عالی مقامی عمومی دفتری نینگ مردمی و سیاسی ایشلر بوییچه ریاستی باشلیغی مولوی گلزار احمد حقانی اوشبو قوم بویوکلری همده آقسقاللرنی خوش کیلیب سیزلردیب، اسلام امیرلیگی نینگ مسووللری کیچه و کوندوز مردم نینگ خذمتیده لر واولرنینگ قیینچیلیگی حل بولیشی اوچون تلاش قیله دیلر دیدی.
کیینچه لیک مولوی محمد ظفر صدیقی و حاجی زېړي گل احمدزی باشقه لر نماینده لیگیده صحبت قیلیب اوزلری نینگ تورلی بولیملرده گی قیینچلیکلرینی ریاست الوزراء عالی مقامی عمومی دفتری نینگ باشلیغی بیلن شریک قیلدیلر.
سونگ حرمتلی داکتر ملا عبدالواسع اولرنینگ صحبتلریدن ایشیتگندن سونگ، حاضرگی کونده افغانستان نینگ برچه مردمی قربانلیک بیرگن اسلامی نظام حاکم دیر بو بونینگ تقویت و کوچه یتیریلیشی اوچون کوپراق حمایت بولیشی کیره ک دیدی.
فساد نینگ دامنی ییغیلگنی باره سیده اشاره قیلگن حرمتلی داکتر ملا عبدالوسع قیین چیلیکلرنی حل قیلیش اوچون ارگ نینگ ایشیگی آچیق دیر مردم نینگ آوازی ایشیتیله دی واسلام امیرلیگی قیین چیلیکلر حل بولیشی توغریسیده مناسب یوللرنی قیدیره دی دیدی.
ریاست الوزراء عالی مقامی عومی دفتری باشلیغی اوزی نینگ صحبتلری اداغیده، ایستک و پیشنهادلرینگیز حل بولیشی اوچون اسلام امیرلیگی نینگ تیگیشلی اداره لریگه تاپشیریله دی دیدی.#
