افغانستان اسلامی امارت ریاست الوزراء اقتصادی معاونی حرمتلی ملا عبدالغنی برادرآخند بوگون توشده روسیه نینگ افغانستان اوچون مخصوص نماینده سی ضمیر کابلوف بیلن ارگ ده اوچره شیب ملاقات قیلدی.
باش ده ریاست الوزراء اقتصادی معاونی حرمتلی ملا عبدالغنی برادر آخند ضمیر کابلوف همده یولداش هیاتنی خوش کیلیب سیزلر دیب، افغانستان روسیه بیلن مشترک برچه اولکه لر بیلن بیرگه لیک ده اقتصادی و سیاسی علاقه لرنی رواجلنتیریشنی ایسته یدی دیدی.
افغانستان امنیتی باره سیده اشاره قیلیب گپیرگن ملا برادر آخند، برچه سرمایه یاتقیزووچیلرگه شرایط یره تیلگن روسیه دولتی همده خصوصی بولیمدن سرمایه یاتقیزیشنی ایسته یمیز دیدی.
روسیه نینگ افغانستان اوچون مخصوص وکیلی ضمیر کابلوف، روسیه نینگ اسلامی امارت بیلن اقتصاد، سیاسی و امنیتی همکارلیک قیلیشی حقیده وعده بیریب، افغانستانده ایجابی اوزگریشگه سبب بوله دیگن هر بیر مساله اوچون روسیه اسلامی امارت نی عملی چاره تدبیرلر بیلن همکارلیک قیلیش بیرینچی اولویتلریدن دیدی.
کابلوف نینگ سوزلریگه کوره، افغان مسووللر بیلن روسیه تخنیکی بحثلرنی آلیب باریش اوچون تیار همده روسیه حاضرگی حکومت بیلن ایریم بولیملرده یاردم بیریشگه تیار دیر.
اوشبو اوچره شووده کانلر و پترولیم، صنعت و تجارت وزیرلیکلری سرپرست وزیرلری خصوصی سکتور نماینده لیگیده اشتراک قیلیب، ایری – ایری اوچره شووده روسیه لیک هیاتگه تخنکی مساله لر باره سیده بحث قیلدیلر.
