افغانستان اسلام امیرلیگی ریاست الوزراء عالی مقامی عمومی دفتری باشلیغی حرمتلی داکتر ملا عبدالواسع بوگون توشدن سونگ تورکی خصوصی شرکتلر مسووللری همده (جراح پاشا) بیلیم یورتی بیر قنچه استادلری بیلن ارگ ده اوچره‌شیب ملاقات قیلدی.
بو اوچره‌شووده بیرینچیدن پروفیسور دوکتور حسین اوزتورک، عبیدالله علم، بیژن بهزاد و محمدعبیدالله باشقه لر نماینده لیگیده صحبت قیلیب، خصوصی سکتور بیلن اسلام امیرلیگی همکارلیگیدن قدردانلیک قیلدیلر.
افغانستان و تورکيه‌نی اوزاق ییللیک علاقه‌لرگه ایگه ایکّی مملکت دیب اتشدی و تاغ-کان صناعتی ساحه‌سیده فعال ایش آلیب باره‌یاتگن تورک خصوصي شرکتلری افغانستان نینگ تدقیقات، قیدیروو و کانچیلیک ساحه‌لریگه سرمایه کیریتیش اوچون اسلام امیرلیگی نینگ تیگیشلی اداره‌لری بیلن همکارلیک قیلیشدن منتدار ایکنینی تاکیدله‌دیلر.
استانبول بیلیم یورتی پروفیسورلری (جراح پاشا) افغانستان عالی تحصیلات وزیرلیگی بیلن کیلیشوو دایره‌سیده افغان محصللرینی کانچیلیک، قیشلاق خواجه‌لیگی و طبي اوسکونه‌لردن فایده‌لنیش ساحه‌لریده اوقیتیش مقصدیده قیسقه مدتلی و اوزاق مدتلی اوقیش شرایط یره‌تیشنی ایتدیلر.
استانبول بیلیم یورتی پروفیسورلری افغان انجنیرلرینی تورکيه‌ده قورغاشین، قیدیروو و آلتین کبی فایده‌لی قزیلمه‌لرنی تدقیق قیلیش، قزیب آلیش و قَیته ایشلش ساحه‌لریده قیسقه مدتلی اوقیتیشگه تیارمیز، تاکه اولر متخصصلر کبی اوز ساحه‌لری نینگ رواجلنیشی و رواجلنیشیگه حصه قوشیشلری ممکن.
ریاست الوزراء عالی مقامی عمومی دفتری باشلیغی حرمتلی داکتر ملا عبدالواسع اولرنی خوش کیلیب‌سیز دیب، تورکيه نینگ افغانستان خلقیگه تورلی ساحه‌لرده کورسه‌ته‌یاتگن یاردمی اوچون منّتدارچیلیک بیلدیردی و تورکيه دولتی افغانستان نینگ اوزاق مدتلی دوستی و خلقیمیز بیلن دایما بیرگه بولگن دیدی.
ریاست الوزراء عالی مقامی عمومی دفتری باشلیغی حرمتلی داکتر ملا عبدالواسع افغانستانده سونگگی ۲۰ ییل ایچیده صادر بولگن ویرانه‌گرچیلیکلرگه توخته‌لیب، بو ویرانه‌گرچیلیک و ضررلر قَیته قوریش و رواجلنتیریشگه احتیاج بارلیگینی تیلگه آلیب بخت‌گه موافق اسلام امیرلیگی نینگ غلبه‌سی بیلن مملکتگه خوفسیزلیک تامینلنگنینی تیلگه آلدی.
حرمتلی داکتر ملا عبدالواسع اسلام امیرلیگی افغانستان خلقیگه خدمت کورسه‌تیش یولیده یوره‌کدن حرکت قیله‌یاتگنی، هر بیر ساحه‌ده، خصوصاً، افغانستانده ایچکی بودجه‌دن مالیه‌لشتیریله‌یاتگن کانچیلیکده ترقیاتگه ایریشیله‌یاتگنینی بیلدیردی.
ریاست الوزراء عالی مقامی عمومی دفتری باشلیغی حرمتلی داکتر ملا عبدالواسع اوزی نینگ صحبتلرب یکونیده اسلام امیرلیگی سرمایه کیروتوچیلر بیلن تورلی ساحه‌لرده همکارلیک قیلیشگه تیار ایکنینی تأکیدلب، خارجي سرمایه یاتقیزوچیلردن افغانستانگه قیزیقیش بیلن سرمایه کیریتیشنی و تیگیشلی اداره‌لر ایسه اولرگه ضرور آسانلیکلرنی یره‌تیب بیره‌دیلر و همکارلیک قیله‌دیلر دیدی.
