افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی تیناوون تخصص دورینی بیتتیرگن داکترلرنینگ فراغت مراسمیده اشتراک قیلیب نطق سوزله دی.
بو مراسمده دستلب ریاست الوزراء اداری اورین باسری اوشبو محفل اوتکزیلیشی اوچون ساغلیقنی سقلش وزیرلیگی رهبرلیک هیاتیگه تشکرلیک قیلیب، متخصصلرنینگ بیتیروونی بیرینچیدن اوزلری، عایله لری همده افغانستان شریف ملتیگه تبریکله دی.
حرمتلی مولوی عبدالسلام حنفی، عزیز مملکتیمیز تحمیل ایتیلگن اوزاق مدتلی اوروش لر جریانیده تورلی بولیملر اینیقسه ساغلیقنی سقلش بولیمی قتیق زیان کوردی و حاضر ایسه افغانستان ملتی تورلی بولیملرده خذمتلرگه ایریشیش اوچون احتیاج لری بار دیب تیلگه آلدی.
تاسف بیلن هنوز هم مملکت نینگ اوزاق منطقه لریده کلینیک و ساغلیقنی سقلش مرکزلری یوق و او منطقه لرده اهالی ساغلیقنی سقلش نینگ اینگ دستلبکی خذمتلریدن هم محروم لر، دیمک مملکت نینگ بوتون حدودلری اینیقسه اوزاق منطقه لرده کلینیکلر توزه تیلیب یخشی صحی خذمت کورسه تیلیشی کیره ک دیر دیدی او.
ریاست الوزراء اداری اورین باسری ولایتی، حوزه وی و مرکزی شفاخانه لر حقیقتن ریفورم و کوچه یتیریشگه ضرورتی بار و معیاری لابراتورلر اورنه تیلیشی و داکترلرنینگ مسلکی قابلیتی آشیریلیشی اوچون لازم چاره کوریش ضرور دیر تاکه وطنداشلریمیز یخشی صحی خذمت لرگه ایریشسه لر دیدی.
شونینگدیک ریاست الوزراء اداری اورین باسری، بوگون افغانستان خلقی اوچون اینگ قووانچلی بیر کون دیر چونکه چمه سی اوچ یوز متخصص داکتر تورلی بولیمنی بیتتیریب خذمت قیلیشگه تیار بوله دیلر و بولر شفاخانه لرده وظیفه آلیش بیلن مردم نینگ درد و رنجی نی کمه یتیریب رنج کورگن جامعه میز اوچون فایده لی بولیشلری بیلن بیرگه مملکت ترقیاتی یولیده حصه قوشیشلرینی آروز قیله من دیب قوشیمچه قیلدی.
حرمتلی مولوی عبدالسلام حنفی برچه داکترلردن ایمانی همده وجدانی مکلفیتلرینی اعتبارگه آلگن حالده کسللرنینگ وضعیتینی نظرده توتیب، کسللرنینگ مریضلیگینی انیق تشخیص قیلیب مملکت صحی سکتوریگه نسبتن اهالی نینگ ایشانچینی آشیریشلرینی ایسته دی.
ریاست الوزراء اداری اورین باسری اوزی نینگ صحبتلری اداغیده، اسلام امیرلیگی هر دایم مملکت گه صفت سیز دارو همده آزیق آوقت آلیب کیلینمسلیگی اوچون تلاش قیله دی و طبی جهازلرنی تیارلش همده دوالش بولیمده هم اسلام امیرلیگی مسووللری با کوچی بیلن سعی و حرکت قیله دیلر دیب تیلگه آلدی. #
