ریاستالوزرا اداری اورینباسری حرمتلی مولوی عبدالسلام حنفی بوگون توشدن سونگ فراه ولایت حاکمی ملا محمد حافظ مجاهد بیلن اوچرهشدی.
اوشبو اوچرهشووده دستلب فراه حاکمی صحبت قیلیب، اجتماعی خوفسیزلیک و محلی حکومتدارلیک احوالیدن ریاستالوزرا اداری اورینباسریگه حسابات بیردی.
او کیشی اوشبو ولایتده حاضرده تولیق خوفسیزلیک تأمین ایتیلگنلیگی و مجاهد لر کیچه_کوندوز خلق قیینچیلیگینی ییچش همده خوفسیزلیکنی تأمینلش یولیده حرکت قیلیب تورگنلیکلرینی اورغولهدی.
شونینگدیک او کیشی فراه ولایت اهالیسی تکلیف و ایستکلرینی چیککه منطقه لرده صحی مرکزلرینی قوریش و بو ولایتده رواجلنتیریش لایحهلرنی تطبیق ایتیلیشی یولیده ریاستالوزرا اداری اورینباسریگه ییتکزیب، و اسلام امیرلیگینینگ مذکور ایستکلرگه توجه قیلیشلرینی سورهدی.
ریاستالوزرا اداری اورینباسری اوشبو اوچرهشوو دن خرسندلیک بیلدیریب فراه ولایت حاکمینی ایش و فعالیتلرینی آلقیشلهدی. حنفی جنابلری، خلق خوفسیزلیک وآسایشتهلیگینی تأمینلش اسلام امیرلیگینینگ اساسی ایشلریدن ایکنلیگینی اورغولب و محلی مسووللرنی بو خصوصده همده خلق قیینچیلیکینی ییچیش و خلققه خدمت کورسهتیش یولیده جدی شکلده سعی_حرکت قیلیشلرینی سورهدی.
شونینگدیک حرمتلی حنفی جنابلری مذکور ایستکلر خصوصیده اسلام امیرلیگینینگ امکانیتلریگه کوره عملگه آشیریلیشی همده کیرهکلی آدیملر کوتاریلیشینی تأکیدلهدی.#
