افغانستان اسلام امیرلیگی ریاست الوزراء دفترینینگ باشلیغی حرمتلی داکتر ملا عبدالواسع بوگون توشدن آلدین نورستان ولایتینینگ بیرقطار نفوذلی شخصیتلری وبویوکلری بیلن ارگده اوچرهشدی.
اجتماعی و سیاسی ایشلر باشلیغی حرمتلی شیخ محمود ذاکری جنابلری هم موجود بولگن اوشبو اوچرهشووده، دین عالملریدن بیری باشقهلر نامیدن سوزگه چیقیب، نورستان خلقینی جهاد پیتلرده بیرگن قربانلیکلریدن ایسلب، اولر اسلامی تیزیملرینی یانیده توریشلرینی اورغولهدیلر.
اوکیشیگه کوره، نورستان ولایتینینگ تاغ بغریده قرار تاپگن جغرافیهسیگه قرهگنده آلدینگی حکومتلر رواجلنیش، قوریلیش ایشلری همده خدمتلر بولیمیده توجه سیزلیگی یوزیدن، خلق قیینچیلیک و محرومیتده حیات کیچیرگن.
شونینگدیک پاکستان حربیلری هجولری نتیجه سیده نورستانلیکلرنینگ حیاتلری قیینلشگن همده بیر قطار عایلهلرباش پناهسیز قالگنلر.
انه شوحالده، نورستان خلقینینگ قیینچیلیگی ییچیلیشی، جملهدن قتناوو یوللری، مکتبلر، مدرسهلر وکلینیکلر قوریلیشی، بدرغهبولگنلرنی قیته جایلشتیریش همده کامدیش تومنینینگ ایکی تومنگه تقسیم ایتیلیشینی طلب قیلدیلر.
عین حالده، ریاست الوزرا دفترینینگ باشلیغی ملا داکتر عبدالواسع اولرنی خوش کیلیب سیز دیب، اسلام امیرلیگی برچه ولایتلر و علیحده نورستان، بدخشان، کنر و باشقه چیککه بولگن ولایتلرقیینچیلیگی حل قیلینیشی یولیده خاص توجه قیلیب کیلهیاتگنینی تاکیدلهدی.
داکترملا عبدالواسع جنابلرینینگ ایتیشیچه، اسلام امیرلیگی برچه ترماقلرنی رواجلنتیریش اوچون، یوتوقلر همده خدمتلر یرهتیب خلق قیینچیلیکینی یوقاتیش اوچون اوتگن بیش ییل دوامیده ایریم ولایتلرده ینگی تومنلر تشکیل بولیشینی منظور قیلگن، شو جملهده نورستاننی ایکی ینگی تومنی داخل دیر.
داکتر ملا عبدالواسع جنابلری اوز صحبتلری اخیرده، مسوللرنی سونگی ییللیک ییل دوامیده بوزغنچی اوروشلر یوزهسیدن تاپیلگن قییچیلیکلرنی حل قیلیشیگه سعی-حرکت قیلیب تورگنلرینی تیلگه آلدی. شونینگدیک، اولرنی ایستکلر و تکلیفلرینی تیگیشلی اداره بیلن اورتهگه قوییشیگه ایشانچ بیردی.#
