افغانستان اسلام امیرلیگی ریاست الوزراء باش وزیری حرمتلی الحاج ملا محمد حسن آخند باشچیلیگیده بولیب اوتگن کابینه‌سی نینگ آلتینچی ییغینیده بیر قنچه موضوعلر اوستیده بحث آلیب باریلیب لازم قرار قبول قیلیندی.
قرآن کریم تلاوتی بیلن باشلنگن وزیرلر کابینه ییغیلیشی آجنداگه موافق چیگره، قوم و قبیله‌لر ایشلری بوییچه وزیرلیگیگه مملکت اوزاق حدودلرده باشلنگن آبادانلشتیریش، تعلیم و ساغلیقنی سقلش پروژه‌لرگه جدّي اعتبار قره‌تیشلیشی باره‌سیده بویروق بیریلیب، موجود امکانیتلردن فایده‌لنگن حالده تیزلیک‌ده محروم حدودلرده یشاوچی اهالی معیشتی تامینله‌نیشی اوچون چاره کوریشلری اورغولندی.
بوندن تشقری، اوشبو ییغیلیشده ییر آستی سوولریدن فایده‌لنیش بوییچه باشقروو طرحی اوستیده هم بحث قیلیندی و اساسي باسقیچلرنی بجریب اوتیشی اوچون لایحه عالیقدر امیرالمؤمنین حفظه الله تعالی تامانیدن تصدیقلش اوچون تقدیم خصوصیده قرار قبول قیلیندی.
کابینه ییغینی دعای خیر بیلن توگه‌دی.
