افغانستان اسلام امیرلیگی ریاست الوزراء مقامی عمومی ریاستی باشلیغی حرمتلی داکتر ملا عبدالواسع بوگون توشدن آلدین کسب وکار و دکاندارلر اتاقی باشلیغی همده کابل شهریده‌گی پمپ استیشن عامل هیاتی بیلن اوچره شیب ملاقات قیلدی.
اوچره شووده بیرینچیدن ریاست الوزراء عمومی دفتری نینگ مردمی همده سیاسی ایشلر بوییچه رییسی مولوی گلزار احمد حقانی اولرنی خوش کیلیب سیزلر دیب ایتیشیچه: ریاست الوزراء عمومی دفتری ریاستی مردم نینگ تورلی قتلمی قیینچیلیگی حل بولیشی مقصدیده اولرنینگ ایستک و پیشنهادلرینی ایشیته دی و اونینگ حلی اوچون تلاش قیلینه دی.
کیینچه لیک کسب وکار و دکاندارلر اتاقی نینگ باشلیغی حرمتلی شرین آقا سخی اوزی نینگ صحبتلریده قیینچیلیکلری حل بولیشی توغریسیده اسلام امیرلیگی مسووللری نینگ اعتبار قره تگنیدن منتدارچیلیک قیلیب، کسب وکار همده دکاندارلر فعالیتی باره سیده معلومات بیردی.
اونینگ تورلی بولیملرده مالیه نی کمه یتیریش اوچون عالیقدر امیرالمؤمنین حفظه الله نینگ فرمانیدن منتدارچیلیک قیلیب ایتیشیچه، کابل فتح قیلیگندن سونگ بیزلر کسبچیلر همکارلریمیز بیلن بازارده فعال حضوریمیز بار ایدی آزیق آوقت همده تیل آزلیگی احساس قیلینمه دی و در آمدیمیز حجمینی یوقاری آلیب باردیک.
شونینگدیک کسبچی و دکاندارلر اتاقی اعضاسی حاجی ذبیح الله نینگ سوزلریگه کوره، حاضرگی کونده افغانستان بویلب تورت مینگ تانک تیل فعالیت قیله دیلر الحمدلله زمانوی تانک تیللر قوریلگن و زمانوی سیستمگه اساسلنگن دیر. او، پمپ استیشن همده باشقه کسبچیلرنینگ جوازلر قیینچیلیگی حل بولیشی، غرفه دارلر همده قولده ساتووچیلرگه معین محل بیلگیله نیشی، تیل وگاز تانک لری قیته دن کیم آشتی سوداسیگه قوییلیشی کبی اوز ایستک و پیشنهادلرینی ریاست الوزراء مقامی دفتری باشلیغی بیلن شریک قیلدیر.
ریاست الوزراء مقامی عمومی دفتری باشلیغی حرمتلی داکتر ملا عبدالواسع اولرنینگ ایستک و پیشنهادلرینی ایشیتگندن سونگ، بیزلرنینگ هر دایم تورلی قتلم، تاجرلر، سرمایه یاتقیزوچیلر و عام مردم بیلن ییغینلریمیز بار ایستک و پیشنهادلری حل بولیشی اوچون تیگیشلی مسووللر و ضرورت بولگن حالده اسلام امیرلیگی رهبریتی بیلن شریک قیلگن میز دیدی.
اونینگ سوزلریگه کوره، بیزلر افغانستاننی بیر اوی دیب اویلب کورسک، اونینگ نظافت، آبادانلیگی، رواجله نیشی و سقله نیشی اوچون برچه میز نینگ مشترک مسوولیتیمیز بار و سونگی قیرق ییل ایچیده خلقیمیز کته معمالرنی باشدن کیچیردیلر اولر بیلن شفقت، یومشاقلیک و ترحم بیلن یانده شیل آدملرنی باسیم آستیگه آلمسلیگیمیز کیره ک.
ریاست الوزراء مقامی عمومی دفتری باشلیغی اوزی نینگ صحبتلری اداغیده کسبچی همده دکاندارلر اتاقی اعضالری و پمپ استیشن عامل هیاتیگه ایستک و پیشهادلرینگیز حل بولیشی اوچون تیگیشلی اداره لرگه تاپشیریله دی دیب ایشانچ بیردی.#
